El Concursu d’Escanciadores va protagonizar la primer xornada de la XX Fiesta de la Sidra Natural de Xixón. La edición d’esti añu va terminar enantes de lo habitual tres la decisión de la organización de pesllar la folixa’l domingu a les 15 hores.
El Conseyu de Gobiernu, presidíu por Francisco Álvarez-Cascos, decidió'l nomamientu de cuatro direutores xenerales nuevos. D’esta forma, namái queden dos direiciones xenerales por repartir pa zarrar la estructura final del Gobiernu.
El Sporting va abrir la Lliga 2011-2012 esti sábadu (18 hores, El Molinón) ante la Real Sociedad depués de que los futbolistes llegaran a un alcuerdu cola LFP na mañana del xueves. La primer xornada pasa a disputase al final de la primera vuelta.
El BOPA d’esti xueves recueye l’aprobación del tramu de llinia llétrica aérea a 400.000 voltios de doble circuitu ente Boimente y Pezós. La Coordinadora Ecoloxista llamenta que nun se tuvieran en cuenta les alegaciones presentaes.
L’escritor avilesín Xosé Nel Riesgo ye dende esti martes el direutor nuevu de la Fundación Municipal de Cultura, Educación y Universidá Popular de Xixón. La Xunta de Gobiernu escoyó a Riesgo ente dellos candidatos.
La fuelga de futbolistes qu’impidió la celebración de la primer xornada de Lliga en Primera y Segunda División tien el sofitu del 38 por cientu de los nuesos llectores. Mentes, el 18 por cientu amosó tar en contra del paru en ‘Conceyu Abiertu’.
El Alameda de Porcía va acoyer una edición nueva de la Noite Celta más veterana d’Asturies. La Banda de Gaitas El Trasno, Tuenda, Llangres, Tejedor y Latira componen el cartel d’esta folixa que cumple 28 años.
El Bloque por Asturies-UNA presentó alegaciones contra la llinia d’alta tensión de Serín venceyada a la incineradora. La coalición entiende que la declaración d’utilidá pública carez de motivación y qu’incumple la normativa medioambiental.
El sábadu va tener llugar una edición nueva de la XXVIII Muestra Folklórica Internacional de Llugones. Un total d’ocho grupos d'Asturies, Castilla y Paraguái van participar nesti eventu entamáu pola Agrupación Folklórica La Sidrina.
La Policía detuvo esti martes a diez ultras del Sporting polos incidentes previos al XV Troféu Villa de Xixón, celebráu’l 13 d’agostu. D’esta forma, el númberu de deteníos pola pelea entre radicales del Sporting y el Genoa llega a la cifra de 24.
