Bloque-UNA presenta alegaciones contra la llinia d’alta tensión de Serín venceyada a la inicineradora

El Bloque por Asturies-UNA presentó alegaciones contra la llinia d’alta tensión de Serín venceyada a la incineradora. La coalición entiende que la declaración d’utilidá pública carez de motivación y qu’incumple la normativa medioambiental.
 
En concreto, los nacionalistes alegaron en rellación a la declaración d'utilidá pública y autorización de la llínea d'alta tensión de doble circuitu de 132 kV, en Serín (Espediente AT-8677). Bloque por Asturies-Unidá Nacionalista Asturiana (UNA) considera qu’esta llinia, encargada de suministrar y evacuar enerxía dende la incineradora nun futuru, tien defeutos graves al carecer “de motivación al respeutive de la utilidá pública de la llínea”, amás de que nun se respetara’l “derechu d'información nin la realización del trámite d'aceptación social del proyectu, tal qu'obliga'l Tratáu d'Aarhus pa cualquier decisión que pueda suponer dalgún riesgu medioambiental”, señala Daniel Fernández, voceru en Xixón de la coalición, que recuerda que nesti casu concretu ta falándose de riesgos derivaos “de les llínees d'alta tensión, de la xeneración de campos magnéticos o de la xeneración d'ozonu atmosférico”.
 
D’igual forma, Bloque-UNA denuncia que “una vegada más teamos ante'l troceáu de proyeutos pa nun facer evaluaciones globales de grandes proyeutos”. Asina, la llinia de Serín “estúdiase independientemente tanto de la mesma incineradora como del restu de llínees d'alta tensión cercanes” lo que según Daniel Fernández “torga que la ciudadanía conoza los verdaderos efeutos de la incineradora y constitúi un claru fraude de llei al respeutive de les normatives d'evaluación del impactu ambiental, como la Llei 9/2006”. El voceru en Xixón de la coalición tamién destaca que nun “esiste l'estudiu d'alternatives qu'obliga a plantegar a lo menos trés trazaos viables pa la presente llinia” nin tien en cuenta “l'afeición a la ZEPA (Zona d'Especial Protección pa les Aves) de San Andrés de los Tacones, nin polo tanto plantega midíes correutores pa los efeutos que sobre tal zona se produzan”.
 
Por toos estos motivos, los nacionalistes reclamen que se paralice “el proyeutu hasta que se cumplan tolos trámites ambiantes y se xustifique la so utilidá de manera detallada”, conclúi Fernández.