La Vuelta va pasar per territoriu vascu esti vienres per primer vez en 33 años, anque nesta ocasión la izquierda abertzale asegura que nun va boicotiar la llegada de los ciclistes a Euskadi. Bilbo y Gasteiz van ser finales d’etapa.
L'escritor de lliteratura infantil y xuvenil n'asturianu Xicu Monteserín fairá un repasu pela so obra lliteraria'l próximu llunes 12 de setiembre na conferencia titulada De cuentos, xuegos y cosadielles, un repasu a les obres pa neños de Xicu Monteserín.
Cinco xornaes de música y más de 300 participantes conformen el Festival Internacional de la Gaita (FIG) más ambiciosu qu’entamó hasta la fecha la Banda Gaites Villaviciosa. Nél destaca l'actuación el vienres de Llan de Cubel.
El Plenu del Senáu va votar el miércoles la reforma del artículu 135 de la Constitución que pretende’l PSOE y el PP pa fixar un techu presupuestariu. Esti martes, la Comisión Constitucional de la cámara dexó llistu’l testu ensin permitir enmiendes.
La celebración del Día de la Nación Asturiana en La Pola Ḷḷena va ser l’aniciu d’una axenda de trabayu col que’l Bloque por Asturies-UNA quier axuntar a tol asturianismu. La coalición noma a esta iniciativa como ‘Xente con compromisu’.
IX-LV va celebrar el Día d’Asturies con un actu “reivindicativu” en Mieres “colos güeyos puestos nuna realidá difícil”, según anunció Jesús Iglesias. Cayo Lara, coordinador estatal de la coalición, va tar presente nes actividaes previstes.
Esti llunes celebróse la cabera mesa de preba de sidra d’escoyeta d’esta campaña, onde superóse’l millón de botelles certificaes col sellu de calidá d’esta bébora. La cifra ye un ésitu nun añu d’escasez de mazana n'Asturies.
El Centru de Cultura Antiguu Institutu acoyerá a partir del próximu llunes 12 de setiembre la esposición dedicada al álbum ilustráu "Deva y yo" del que ye autor Vicente García Oliva ya ilustradora Belén García Montoya "Begmont".
Esti llunes presentóse en Xixón la sesta edición de Vagamar, festival que va inaugurase’l vienres. Nel actu, el conceyal Carlos Rubiera anunció que L’Arribada va encargase d’organizar una actividá de llingües minoritaries nel Festival Atlánticu.
El Xulgáu de lo Contencioso-alministrativo númberu 6 d'Uviéu declaró nulu’l nomamientu de Francisco Cuesta Toribio como direutor del Muséu Etnográficu de Grandas de Salime. D’esta forma, el xuez estima’l recursu de Pepe ‘El Ferreiro’.
