Tres l’ésitu que tuvo la primer edición, el Palitu Rock torna a celebrase esti sábadu en La Pola Ḷḷena de baldre. Nesta ocasión, destaca la presencia de los andaluces El Noi del Sucre y de los madrilanos San Blas Posse.
La Unión de Sectoriales Agrarias de Asturias (Usaga), sindicatu presentáu la selmana pasada, reclama al Gobiernu que permita la cacería de xabalinos “de manera inmediata”. Según aseguren, los daños fechos por esti animal medren día a día.
Alberto Fernández Velasco (L’Entregu, 1942), ún de los constructores de gaites con más renome n’Asturies, morrió esti llunes. Pá del gaiteru Alberto Fernández Varillas, los meyores maestros d’esti instrumentu tocaron gaites feches nel so taller.
Sidra Castañón foi escoyida como la meyor ente les sidres que participaron na vixésima edición de la Fiesta de la Sidra Natural de Xixón. El coleutivu N’Ast critica a FAC pola “involución” d’esti certame no que se refier a la presencia del asturianu.
La vocera del PP, Isabel Pérez-Espinosa, señaló que Francisco Álvarez-Cascos mantién una postura contraria a la reforma de la Constitución pa “ser diferente”. Equipara’l so discursu al de partíos nacionalistes “catalanes y vascos”.
Los dos sindicatos mayoritarios, UXT y CO OO, anunciaron l’aniciu de movilizaciones contra la reforma de la Constitución plategada pol PSOE y el PP. El miércoles y el xueves va haber protestes en tol Estáu y el día 6 una manifestación en Madrid.
El Conceyu por otra Función Pública n’Asturies (COFPA) alerta de la intención del Gobiernu d’Álvarez-Cascos de caltener la deucracia, incumpliendo asina’l so programa eleutoral. Considera que ta siguiendo práutiques continuistes.
Dacio Alonso, presidente d’UCE-Asturies, alvirtió esti vienres que más de 3.600 families perdieron la so vivienda dende la llegada de la crisis y continúen pagando la so hipoteca. Reclama una modificación de la Llei Hipotecaria.
El pasáu 24 d’agostu cumpliéronse 74 años de la declaración de soberanía del Conseyu d’Asturies y Lleón. Andecha Astur, pa conmemorar esta fecha, celebra’l sábadu un actu d’alcordanza en Brañillín.
Esti vienres celebróse la inauguración del IX Salón del Llibru Asturianu que va acoyer Xixón hasta’l 4 de setiembre. Nél va esponese gran parte del fondu bibliográficu de les editoriales del país, con más de mil títulos n’asturianu y castellanu.
