Bloque-UNA y otros partíos de la izquierda asturiana, como CUPX, Izquierda Anticapitalista, PCPE y PCA, participaron el martes nuna mesa de trabayu col comité d’Esmena-Mecalux. La empresa despidió a más de 40 trabayadores en trés años.
Un 81 por cientu de los nuesos llectores señalaron nel ‘Conceyu Abiertu’ d'esta selmana que’l distintivu ‘AS’ debería poder llevase na matrícula. El debate sobre esta posibilidá torna a abrise tres la intención de los catalanes d’usar el ‘CAT’.
La Coordinadora Ecoloxista d’Asturies ta acabante de presentar alegaciones pol trámite nuevu d’ampliación de la cantera de La Llamazona. Dende l’asociación aseguren que, d’autorizase, provocaría un cráter de fuerte impautu ambiental.
La Fundación José Cardín Fernández, dientro de les actividaes del so Branu Cultural, entama esti xueves una conferencia sobre ‘El cancionero de la sidra’. Ismael González Arias ye l’encargáu de dar esta charra en Villaviciosa.
La Delegación de Gobiernu estatal n’Asturies va aniciar contautos cola Conseyería de Cultura y Deporte pa clarificar la titularidá del monasteriu de San Antolín de Bedón. Antonio Trevín comprometióse a restaurar esti edificiu llaniscu.
Bloque por Asturies-UNA y Conceyu Abiertu tán trabayando nos sos actos de celebración del Día de la Nación Asturiana, que van tener llugar en La Pola L.lena y Uviéu, de manera respeutiva. Unión URAS-PAS nun va facer actu oficial.
La montañera Rosa Fernández anució esti martes la so intención d’ascender el Manaslu, en Nepal. La espedición de l’asturiana tien previsto salir el 8 de setiembre y algamar la cume d’esta montaña de 8.163 metros el 12 d’ochobre.
PNV, ERC-IU-ICV, BNG, UPyD y Nafarroa Bai foron les formaciones que votaron en contra de la reforma de la Constitución que defende’l PSOE y PP. L’ex sindicalista Antonio Gutiérrez rompió la disciplina de votu del grupu socialista.
La plaza L’Humedal de Xixón va ser el puntu de salida d’una manifestación convocada pol Movimientu 15-M pa esti miércoles a les 19 hores. El lema de la protesta ye ‘Nenguna reforma más al serviciu del capital”.
