El coordinador estatal d’IX, Cayo Lara, señaló esti llunes que ve bien que Gaspar Llamazares encabece la candidatura de la coalición por Asturies a les elleiciones del 20-P. Sicasí, señala que la decisión última ye de los órganos del partíu.
 

Anders Fogh Rasmussen, secretariu xeneral de la OTAN, señaló esti llunes que la misión en Libia va acabar “pronto”. La intención de l'Alianza ye abandonar el país cuando’l Conseyu Nacional de Transición (CNT) pueda controlar la seguridá.
 

El ciclista de Cabezón de la Sal, Juan José Cobo, arrampuñó’l maillot colloráu de llíder de La Vuelta en L’Angliru al británicu Bradley Wiggins nuna ascensión espectacular. L’altu riosanu y La Farrapona nun defraudaron a l’afición.
 

Les ciudaes de la Ruta de la Plata van facer promoción turística en Saint-Nazère esta fin de selmana aprovechando’l puxu de l’Autopista del Mar ente esti puertu de la Bretaña histórica y El Musel. Ayer y Xixón van tener un stand propiu.
 

Como s’esperaba, esti vienres aprobóse la reforma del artículu 135 de la Constitución entamada pol PSOE y PP, que namái tuvo l’apoyu d’UPN. La izquierda y los partíos nacionalistes, a esceición de Coalición Canaria, negáronse a votar.
 

Los sindicatos UXT, CO OO y USO, xunto a dellos coleutivos ciudadanos, convocaron una concentración n’Uviéu pal llunes contra la reforma de la Constitución. La cita ye a les 11 hores frente a la Delegación del Gobiernu Estatal n’Asturies.
 

El llíder libiu, Muamar el Gadafi, ta escondíu na ciudá fronteriza de Ghadames, onde solicitó asilu n’Arxelia a les autoridaes del país vecín, ensin respuesta. Güei, el militar faló per cuarta vez dende la caída de Trípoli y aseguró que nun va rendise.
 

Foro Asturias Ciudadano (FAC) va competir con Rajoy pol votu de los madrilanos. El partíu de Francisco Álvarez-Cascos, políticu que ta acabante de facer pública la so declaración de bienes, va presentase a les eleiciones en Madrid.
 

El tendayu del Muséu del Pueblu d’Asturies va ser sede esti sábadu de la IV Fiesta Intercultural ‘Al ritmo de África’, actividá qu’entama l’Asociación LATE Asturias. Pal vienres ta previsto un alcuentru ente muyeres africanes y asturianes.
 

La Cruz Bermeya, en collaboración cola la Fundación Solidaridad Carrefour, entama n’Asturies la III ‘Vuelta al cole solidaria’. L’oxetivu ye recoyer material escolar pa les families asturianes más necesitaes.