‘Villa de Xixón y amigos’ ye’l nome del espectáculu especial que tien programáu esta banda de gaites pal domingu na Plaza Mayor de Xixón. Artistes de la calidá de Tejedor o Anxo Lorenzo van participar nel eventu que va pesllar el Festival 5º 40’.
Esti domingu ye l’últimu día pa participar nel sortéu d’entraes que fai Asturies.com, en collaboración con EP Management, pal conciertu de Dixebra del vienres na Llaboral. Los avilesinos van compartir escenariu con Pablo Moro y Dr. Explosion.
Esti vienres principia en Carabanzo’l VI Festival Astur-romanu de La Carisa. Per delantre queden trés díes nos que’l pueblu va tar tomáu por astures y romanos y nel que los visitantes van disfrutar de conciertos y munches actividaes.
Tres l’ésitu de la primer edición, celebrada a primeros d’añu, el Conceyu Universitariu pol Asturianu (CUPA) entama una edición nueva de los Cursos Básicos d’Asturianu. Nesta ocasión, los participantes van poder escoyer ente dos niveles.
El soníu de les gaites asturianes, gallegues y bretones xuniéronse esti vienres nel mirador d’Os Cañóis n’homenaxe a los marineros. El sábadu va celebrase ún de los eventos más esperaos del FIDO: la Noite Máxica.
El Coleutivu Ecoloxista d’Avilés ta acabante de recibir l’anuncia de la Confederación Hidrógrafica del Cantábricu de l’aniciu d’un espediente sancionador al Conceyu d’Avilés por vertíos nel ríu Arlós. L’asociación denunció esta situación en xunu.
El grupu de folk-electrónicu Xera va ser ún de les formaciones principales del XVI Folk Plasencia, que se celebra dende esti xueves al sábadu. Tres tocar el vienres n’Extremadura, los asturianos va desplazase’l sábadu a Galicia.
Cuatro meses depués de ser recoyida por personal de la Fundación Oso Pardo y treslladada a Sobrescobiu pa la so recuperación, la osa fería en Ḷḷarón torna a casa. Va ser reintroducida al so hábitat natural en Fontes del Narcea.
Esti xueves va celebrase una actividá nueva dientro del Festival Intercélticu d’Occidente (FIDO). Trátase de la ‘Arribada del mundu celta’, na que los grupos participantes nel certame van aportar a Tapia per mar nun actu que promete ser espectacular.
Carmen Moriyón anunció’l miércoles que va sumase al Pautu de los Alcaldes pa reducir les emisiones de CO2 nun 20 por cientu enantes del 2020. La Coordinadora Ecoloxista d’Asturies cree que’l primer pasu ha de ser refugar la incineradora.
