El conceyu de Samartín del Rei Aurelio tien esta fin de selmana un programa cargáu de celebraciones con sabor asturianu. Per un lláu, les fiestes del Cristu la Paz, en Brañella, y, per otru, el II Mercáu Tradicional de La Cerezal-Santa Bárbara.
Nicolas Sarkozy, presidente del Estáu francés, y David Cameron, primer ministru británicu, convirtiéronse nos primeros llíderes occidentales en visitar Libia. Dambos comprometiéronse n'ayudar al CNT a dar caza a Gadafi.
El sortéu de la tercer eliminatoria de la Copa benefició al Uviéu, que pasa de manera direuta a la ronda siguiente, polo qu'asegura un rival que participa en competiciones europees. L’enfrentamientu va ser a doble partíu n’avientu.
L’Aula Magna de la Universidá d’Uviéu va acoyer esti vienres el pieslle oficial de la Universidá Asturiana de Branu (UABRA) y la entrega de certificaos y diplomes a los sos más de 100 participantes. L’actu va principiar a les 19 hores.
L’acondicionamientu de les bateríes de coque de la fábrica d’Arcelor-Mittal en Xixón son una bona noticia pa la Coordinadora Ecoloxista. Esti coleutivu espera qu’esta obra traiga ameyoramientos nel aspeutu medioambiental.
El xigante estauxunidense del ‘e-commerce’, Amazon, ta acabante d’abrir tienda nel Estáu, dalgo que va revolucionar el comerciu estatal. Ente la so ufierta amplia de productos de too tipu nun hai referencies bibliográfiques n’asturianu.
Representantes de la Xunta pola Defensa de la Llingua Asturiana (XPDLL) aconceyaron el miércoles con Alfredo Ignacio Álvarez Menéndez. El direutor de Política Llingüística comprometióse “al desarrollu positivu” de la Llei d’Usu.
La modificación del artículu 135 de la Constitución entamada pol PSOE y el PP nun-y presta’l 77 por cientu de los llectores d’Asturies.com. Los partíos contrarios a esta reforma tán buscando apoyos pa que’l cambiu se vote en referéndum
El ministru de Fomentu, José Blanco, aseguró nel Senáu que va sacar a puya los sistemes de comunicaciones, seguridá y electrificación del AVE ente Lleón y Ḷḷena. El socialista fixo estes declaraciones en respuesta a Isidro Martínez Oblanca.
La intervención de Ramón del Riego na Xunta Xeneral foi criticada pol PSOE y IX-LV. Los ex socios de gobiernu calificaron de “esaxerada y dramática” la visión del conseyeru de Facienda de les cuentes y la deuda del país.
