Yá ta abierta la matrícula pa inscribise a los cursos qu’entama la Escuela de Baille Tradicional San Félix de Candás. Los primeros en principiar les clases van ser los rapacinos y rapacines de más de 5 años, esti sábadu.
Los colexos d’A Veiga, Navia, Ibias y Villayón que taben ensin maestru de gallego-asturiano van disponer de profesor dende’l llunes, día nel que van espublizase les llistes definitives d’asturianu. Tovía queden 23 colexos ensin maestru.
L’estudiu post-eleutoral del Centru d’Investigaciones Sociolóxiques (CIS) reflexa que’l 75,3 por cientu de la población del país siéntese tan asturiano como español. El 11,3 por cientu considérase más asturiano y el 1,5 sólo asturiano.
L’Arribada, dientro de la estaya ‘Rolda’, estrena esti vienres el doblaxe al asturianu del llargumetraxe ‘McLintock’. Obra de Gonzali Producciones, un total de 30 persones trabayaron na versión asturiana d’esti clásicu del ‘western’.
Vítor Suárez, responsable de ‘Fueya en blanco’, consiguió un compromisu d’ALSA pa l’usu los topónimos tradicionales na web de la empresa. L'usuariu llamenta que tenga que facer un trabayu que-y correspondería a Política Llingüística.
Avalanch, Dark la Eme, Mokomitas y Stormy Mondays roblaron un manifiestu común nel que protesten pola falta de respetu que la SOF tien hacia los grupos asturianos. Ente otres coses, nun los nomen nel videu promocional de les fiestes uviedines.
La Biblioteca Dixital Mundial de la Unesco nació esti mes con más de 1.200 documentos en llinia que van dir ampliándose de forma progresiva. Esta ferramienta permite consultar testos, grabaos, mapes o semeyes de gran valir históricu.
Los votos a favor del PSOE, ERC, IX, ICV, BNG y Nafarroa Bai permitió l’aprobación del Impuestu sobre’l Patrimoniu nuevu qu’impulsó’l Gobiernu de Zapatero. Ésti va tener vixencia nel 2011 y 2012 pa patrimonios de más de 700.000 euros.
Dende’l día 16 ta celebrándose la Selmana Europea la Movilidá, que esti xueves, día 22, vive la so xornada principal col Día Européu ‘La ciudá, ensin el mio coche’. El so oxetivu ye sensibilizar sobre l’usu del tresporte públicu y de la bicicleta.
El trabayu que’l prestixosu etnomusicólu estauxunidense Alan Lomax fixo n’Asturies yá pue disfrutase gracies a ‘Alan Lomax in Asturias. November 1952’. Esti llibru vien acompañáu por dos CDs que recueyen 101 cantares, la mayoría inéditos.
