Coincidiendo cola celebración del Día Mundial contra los Monocultivos d’Árboles, la Coordinadora Ecoloxista d’Asturies pide al Gobiernu que mantenga la prohibición de plantar más ocalitos. Esta especie alóctona ye la más númberosa del país.
Los vecinos de la zona centru de Xixón tán recibiendo estos díes propaganda eleutoral de Foro Asturias na que se critica duramente a Pilar Fernández Pardo y al PP. El panfletu fala de la popular como "la fracasada candidata municipal" .
Esti xueves va tener llugar na uviedina Llibrería Cervantes la presentación de ‘L’alma robada’. Esta obra recueye 14 testos en prosa poética de Pablo Texón sobre semeyes de l'actualidá diaria feches por Mario Rojas y Pablo Lorenzana.
Xixón convirtióse’l martes na primer ciudá asturiana en tener puntos de recarga pa coches, motos y bicis llétricos. Les trés estaciones tán asitiaes xunto a la Plaza Mayor, El Molinón y la cai Canga Argüelles.
El conseyeru de Presidencia, Florentino Alonso Piñón, anunció que l’Executivu ta estudiando la posibilidá d'unificar el 112-Asturies y Bomberos d’Asturies. D’esta forma busca una “mayor eficacia” al mesmu tiempu que s’aforren costes.
Francisco Álvarez-Cascos, nuna entrevista concedida a Telecinco, señaló que FAC, cola so candidatura en Madrid, quier ser “un contrapesu” frente a la presión de los nacionalistes. Tamién amosó’l so apoyu a Mariano Rajoy.
Bloque-UNA de Ḷḷena criticó'l pieslle de la Escuela Rural de La Vega’l Ciigu pola supuesta falta d’un alumnu p’algamar el númberu de places mínimes que marca Educación. La coalición defende’l mantenimientu d’estes escueles.
Un total de cincuenta families de Samartín del Rei Aurelio, que participaron nun programa de reciclaxe de Coxersa, produxeron 2.950 quilos de ‘compost’ o abonu orgánicu pa usu domésticu. El programa tuvo una duración de nueve meses.
‘Educación Sexual con Arte’ ye’l nome del ciclu de cursos de 14 hores qu’entama’l Conseyu de la Mocedá del Principáu d’Asturies (CMPA) n’Uviéu y Xixón. Los cursos tán dirixíos a coleutivos xuveniles y xente mozo, y son de baldre.
La Conseyería de Cultura pente medies de la Dirección Xeneral de Política Llingüística acaba dar anuncia de l'apertura del plazu pa la presentación de proyectos empobinaos a la "Axenda Didáctica Escolar" del presente cursu 2011-2012.
