L’Uviéu va xugar en Copa con un rival que disputa competiciones europees

El sortéu de la tercer eliminatoria de la Copa benefició al Uviéu, que pasa de manera direuta a la ronda siguiente, polo qu'asegura un rival que participa en competiciones europees. L’enfrentamientu va ser a doble partíu n’avientu.
 
Barcelona, Real Madrid, Valencia, Villarreal, Sevilla, Athletic Club y Atlético van ser los rivales posibles del Uviéu en dieciseisavos de final de la Copa, ronda na que tamién va entrar el Sporting, anque los xixoneses van enfrentase a un rival de Primera o Segunda División, según el formatu de competición que ta utilizando nos años últimos la Real Federación Español de Fútbol. Nel casu de los de Pacheta, van disputar el so primer partíu nel Carlos Tartiere y la vuelta nel campu del so rival, polo que’l club uviedín va asegurase una bona taquilla, yá que dende visita de la Real Sociedad na temporada 2003-2004 nun s’enfrenta a un equipu de Primera en competición oficial.
 
El restu de partíos de la tercer ronda de la Copa son les siguientes: Orihuela-Cádiz, Albacete-Alavés, Andorra CF-San Roque, Eibar-Ponferradina, Llagostera-L’Hospitalet, Mirandés-UD Logroñés, Alcorcón-Numancia, UD Almería-Elche, Celta- Valladolid, Córdoba-Huesca y Deportivo-Alcoyano. Estos enfrentamientos van disputase a partíu únicu'l 12 d'ochobre.