Juan Vega, viceconseyeru d’Infraestructures, dixo esti martes na so comparencencia na Comisión de Fomentu de la Xunta Xeneral que’l ‘tren-tran’ nun ha ser cargu de los fondos mineros. Afirmó que debe pagalu Feve.
 

Tres l’aprobación, el llunes, del decretu que convoca eleiciones xenerales el 20 de payares, Foro Asturias Ciudadano (FAC) va inaugurar esti miércoles una sede en Madrid. Ésta ta situada na zona de Moncloa.
 

Llugones y la estación avilesina del mataderu superaron nel 2010 el valor mediu anual permitíu por normativa de presencia de partícules de suspensión PM10 nel aire. Ecoloxistes n’Aición denuncia la pasividá de les alministraciones.
 

La Guardia Civil detuvo na madrugada del martes a cinco arxelinos acusaos de financiar a Al Qaeda nel Magreb Islámicu, seición del grupu terrorista islamista nel norte d’África. Estes persones tienen edaes comprendíes ente los 36 y 49 años.
 

Na so comparecencia ente'l Parllamentu asturianu, na que fixo un repasu a les exes que van marcar la so política, el conseyeru anunció qu'el gobiernu asturianu desarrollará la Llei d'Usu y echará a andar un Plan de Normalización.

Los diputaos y senadores que, pola disolución de les Cortes, cesen del so cargu y nun renueven el so escañu’l 20-P, nun van marchar coles manes vacíes. Van recibir una indemnización per un máximu de dos años de 2.813,87 euros mensuales.  
 

El salariu mozu, proyeutu de FAC pa promover l’emplegu ente los menores de 30 años, va ser una realidá n’avientu. El conseyeru José Manuel Rivero anunciólo esti llunes na Comisión d’Economía y Emplegu de la Xunta Xeneral.
 

La Casa los Alberti, en Ciañu, ye la sede de la esposición ‘Una mirada al este’. Nella, el fotógrafu llangreanu Javier Rodríguez Linera presenta una serie de semeyes feches dende’l 1998 n’Ucrania y Rumanía.
 

El proyeutu de reordenación de dársenes del puertu d’As Figueiras va necesitar un estudiu d’impautu ambiental. El Gobiernu atendió les alegaciones de la Coordinadora Ecoloxista y d’otros organismos, como la Xunta de Galicia.