L’Axencia Estatal de Meteoroloxía (Aemet) decretó l’alerta mariella na costa asturiana y gallega por vientos fuertes. Éstos van notase a partir de les 18 hores del llunes y, nun principio, van durar hasta les 15 hores del martes.
 

La diputada d’IX-LV, Noemí Martín, señala que la reforma que necesita l’Estáu ye “fiscal y financiera”. Tamién recuerda que Rubalcaba perdona a los ricos “700 millones añales” cola so propuesta de recuperación de l’Impuestu sobre'l Patrimoniu.
 

Ana María Cano sorrayó na inauguración de Vagamar 2011, l’actividá setembrina de L’Arribada, la necesidá de reforzar l’enseñu y normalización del asturianu p’asegurar el so futuru. La presidenta de l’ALLA reclamó que se cumpla la Llei d’Usu.
 

Alredor d’un centenar de persones participaron na manifestación qu’entamó Conceyu Abiertu n’Uviéu nel Día d’Asturies. La formación busca convertise nuna alternativa trabayando “dende los conceyos y los movimientos sociales”.
 

 Les dos organizaciones recalcaron güei que la so llamada nes elecciones pasaes pa inaugurar un ciclu nuevu na política asturiana entamaba la so segunda fase esti 8 de setiembre.

Esti xueves ye 8 de setiembre, Día d’Asturies por mor de la celebración del Día de la Santina, patrona del país. Pero, ¿por qué se celebra nesta fecha’l Día de la Virxe de Cuadonga? N’Asturies.com repasamos la historia nesti artículu.

8 de Setiembre: Dia d'Asturies

¿Por qué l'ocho de setiembre?

Francisco Álvarez-Cascos fixo esti xueves en Cuadonga’l so primer discursu como presidente del país nun Día d’Asturies. El llíder de FAC señaló que quier construyir “una Asturies con oportunidaes reales d’emplegu y de prosperidá”.
 

Isidro Martínez Oblanca, primer senador que representa a un partíu asturianu, votó nel Senáu contra la modificación de la Constitución. FAC y Coalición Canaria foron los únicos que nun apoyaron la reforma impulsada pol PSOE y PP.
 

Bloque por Asturies-UNA va celebrar el Día d'Asturies en La Pola Ḷḷena con un actu políticu, mentes que Conceyu Abiertu entama una manifestación n’Uviéu. Otra manera, Amieva va acoyer les actividaes organizaes pol Gobiernu.
 

L’Auditoriu Príncipe Felipe va ser sede, esti miércoles, de la entrega de les medayes d’oru y plata d’Asturies. El país da la so distinción máxima a Rafael Fernández Álvarez, a títulu póstumu, y a Alberto Aza Arias.