La empresa estauxunidense Alcoa, con una planta n’Avilés, decidió reducir la producción de les sos factoríes europees de forma parcial y temporal. El recorte previstu tendrá llugar nel primer semestre d’esti añu.
Los espectáculos desarrollaos n’Asturies, en toles sos variantes culturales, viven un descensu nel númberu d’asistentes. Según datos del 2010 asoleyaos pol Institutu Asturianu d’Estadística, el teatru ye’l que más acusa la baxada.
Les persones interesaes en participar nos concursos qu’entama l’Academia de la Llingua Asturiana (ALLA) tienen hasta esti sábadu pa presentar los orixinales. Pa la edición del 2012 hai premios n’ocho estayes.
Gaspar Llamazares, diputáu por Asturies d’IX, unvió a los otros siete representantes del país nel Congresu un corréu electrónicu pa facer un frente común polos fondos mineros. Reclama “xunidá na defensa” del futuru de les cuenques.
El ‘Conceyu Abiertu’ que plantegaba a los nuesos llectores si víen a Mariano Rajoy capacitáu pa sacar al Estáu de la crisis, dexó nidio les poques esperances que tienen nel líder popular. Un 89 por cientu cree que nun lo va conseguir.
La falta de participación ciudadana ye la carauterística principal del presupuestu municipal pal Bloque-UNA de Xixón. Esta forma d’actuar, n'opinión de la coalición, supón un “déficit democráticu de primer orde".
El BOE d’esti martes anunció l’autorización de la central de ciclu combináu de 410 MW promovida por Endesa en La Perea. La Coordinadora llamenta que’l PSOE atara esta instalación tando en funciones y ensin contar cola opinión vecinal.
Los recortes anunciaos pol Gobiernu estatal nun convencen al presidente del país. Francisco Álvarez-Cascos calificólos de “inasumibles” p’Asturies y amenazó con tomar midíes llegales nel casu de que se mantengan.
Gonzali Producciones xubió a la rede la versión asturiana del clásicu del cine soviéticu ‘L’acorazáu Potemkin’. Esta cinta ye una de les siete que la productora asturiana tien retulaes en llingua asturiana.
90.537. Ésti ye’l númberu de paraos esistente nel país tres sumase n’avientu 1.684 persones nueves a la llista de desemplegaos. Trátase de la cifra más alta dende l’añu 1996, cuando entama la serie histórica comparable.
