L’autorización que permite a Industrias Doy-Manuel Morate, S.L. llegalizar 17 fornos na batería B33 y trés descargaderos de carbón foi criticada esti xueves pola Coordinadora Ecoloxista d'Asturies. Afirmen que la empresa trabaya en precario.
José Luis Cienfuegos, alma mater del Festival Internacional de Cine de Xixón (FICXixón), nun va siguir al frente del certame. FAC decidió destituyilu como direutor del mesmu, cargu que va ocupar el cineasta xixonés Nacho Carballo.
Esti vienres va celebrase una concentración n’Uviéu pa reclamar el derechu de les radios comunitaries a emitir pel FM. Esta movilización llega polos problemes que ta poniendo Telecomunicaciones a Radio Sele, Radio QK y Radio Kras.
Suburbia Ediciones, una de les editoriales del país con mayor actividá, dio a conocer nel so blogue’l llistáu de los diez llibros del so catálogu más vendíos nel añu 2011. El primeru ye’l cómic ‘Manzajú’, de Ruma Barbero.
‘Refaxu 1995-2011’ye’l títulu de la revista conmemorativa que fai un repás a los 16 años de vida d’esti grupu de teatru blimeín. Esta espublización va presentase esti xueves na Casona de Bravial, en Blimea.
L’ente públicu de comunicación reduxo esti martes en diez minutos la duración del informativu del meudía. Esta midida, que tamién va afeutar a les ediciones de la fin de selmana, va ser permanente pola falta de personal na TPA.
El primer ministru británicu, David Cameron, quier resolver pronto’l futuru d’Escocia, pa lo qu'ufrió un reférendum sobre la so independencia pal 2013. N'Alba, onde se falaba del 2015, considérenlo una intromisión de Londres nos sos asuntos.
La tercer obra audiovisual fecha en gallego-asturiano, ‘Eu soi quen fun’, va presentase esti sábadu nel Centru de Cultura Antiguu Institutu de Xixón. Melania Fraga ye l’autora d’esti documental qu'amuesa la vitalidá del idioma.
El Conseyu Regulador de Sidra de Denominación d’Orixe Protexida ‘Sidra d’Asturies’ dio a conocer esti martes los datos de la collecha del 2011. L’añu pasáu recoyéronse 2.473.681 quilos de mazana, la cifra más alta de la historia de la marca.
Gabino de Lorenzo, nel so actu de toma de posesión como delegáu del Gobiernu estatal n’Asturies, esixó conocer una fecha “concreta y firme” pa la llegada del AVE al país. La ministra Mato encomendó-y a collaborar con Álvarez-Cascos.
