Los llectores d’Asturies.com creen que los políticos anteponen los intereses de partíu a los del país

El ‘Conceyu Abiertu’ activu hasta esti xueves dexó nidia la opinión de los nuesos llectores sobre los políticos que nos representen nel Congresu. Un 60 por cientu considera qu’éstos anteponen los intereses de partíu a los d’Asturies.
 
A la entruga concreta de ‘¿Cree posible que los diputaos asturianos faigan un frente común na defensa de los intereses del país, como propón Llamazares?’, un 60 por cientu escoyó la respuesta ‘Non, caún mira polos intereses del so partíu’, mentes qu’un 35 por cientu namái veía al parllamentariu d’Izquierda Xunida y Foro de Ciudadanos nuna iniciativa nesi sen, amosando la confianza nula que tienen los llectores d’Asturies.com nos políticos de los dos partíos mayoritarios. Por contra, un 3 por cientu consideró posible que la propuesta de Gaspar Llamazares pudiera salir alantre y un 2 por cientu optó pola respuesta ‘Nun sé’.
 
Dende güei los nuesos usuarios yá pueden opinar nun ‘Conceyu Abiertu’ nuevu. Nesta ocasión queremos conocer cómo sentó ente los llectores la decisión de Carlos Rubiera de destituyir a José Luis Cienfuegos al frente del Festival Internacional de Cine de Xixón.