L’escritor y historiador xixonés Pablo Rodríguez Alonso ta acabante d’espublizar el so segundu poemariu, ‘Palabres d’un tiempu’. Esta obra, qu’edita Trabe, foi premiada col Nené Losada Rico del añu 2010.
L’Asociación Cultural N’Ast asoleyó’l númberu 7 de la revista ‘N’Ast. Cartafueyos d’ensayu’. Ésti inclúi un ‘Manifiestu pola documentación hestórica asturiana espoliada’ impulsáu pol coleutivu.
El Conseyu de Gobiernu de la Universidá d’Uviéu aprobó’l proyeutu de presupuestu pal 2012 ensin nengún votu en contra. Ésti asciende a 211.502.750 euros, lo que supón una mengua del 2,98 con respeuto al del 2011.
L’Aeropuertu d’Asturies vivió esti xueves la segunda xornada de fuelga nestes Navidaes de los pilotos d’Iberia, que convoquen dos paros nuevos pal 9 y el 11 de xineru. De los siete vuelos diarios con Madrid, namái salieron dos.
El xuez qu’instrúi’l casu Palma Arena y que investiga les actividaes del Instituto Nóos decidió imputar a Iñaki Urdangarin poles sos actividaes al frente de la entidá. Esta sociedá pudo esviar hasta seis millones d’euros de dineru públicu y priváu.
Daniel Fernández, voceru de Bloque-UNA en Xixón, defendió’l Festival Arcu Atlánticu que va celebrase del 21 al 29 de xunetu y criticó la “hipocresía” del PSOE en materia cultural. Respuende asina a unes declaraciones de Villabrille contraries al certame.
El Ministeriu d’Emplegu y Seguridá Social informó a los sindicatos de la so intención de conxelar el Salariu Mínimu Interprofesional (SMI) nel añu qu’entra por mor de la situación económica. Ésti ye anguaño de 641,40 euros al mes.
La Xunta de Gobiernu de Coxersa aprobó la ellaboración d’un informe urxente pa determinar el costu que tuvieron que soportar les arques públiques pol proyeutu de la incineradora de Serín. Ésti quedó paralizáu por una decisión xudicial.
Nestes feches navidiegues ye vezu que les seleiciones nacionales ensin estáu disputen alcuentros amistososos, anque Asturies hai dellos años que nun disfruta d’esti tipu de choques. Seis coleutivos demanden el retornu d’estos partíos.
La Coordinadora Ecoloxista d’Asturies decidió entregar la Bullada de Purpurina d’esti añu a Francisco Álvarez-Cascos. El xuráu considera al presidente responsable principal “de la política ambiental mala desarrolla pol Gobiernu”.
