El BNG plantégase crear una estructura organizativa nel Navia-Eo

|

Esta fin de selmana va tener llugar en Santiago de Compostela la XIII Asemblea Nacional del Bloque Nacionalista Galego (BNG). Una de les propuestes a tratar ye la creación d’una estructura organizativa na zona del Navia-Eo.

La enmienda 65-A, soscrita por dos militantes d'A Coruña, apuesta por que, nel ámbitu organizativu, "y na midida de les posibilidaes", el BNG "va tratar de tener estructura organizativa" nos territorios qu’un seutor del nacionalismu gallegu noma 'Galiza Irredenta'. Asina dientru d’esti nomatu inclúin "Eo-Navia, Ibias, Bierzo, Cabrera y Seabra (Sanabria)". L’oxetivu que tendría esta iniciativa del BNG sería’l "facer trabayu políticu" pa "reforzar los llazos colos conceyos encuadraos neses zones, ofreciendo collaboración de manera principal na normalización llingüística y na profundización de rellaciones institucionales", como hermandaes, creación d'entes supramunicipales o promociones d’actuaciones comunes.

Amás, esta enmienda recueye la posibilidá de que "de nun tener el númberu de militantes mínimu pa constituyir asamblees llocales o rexonales", los interesaos "s'ascriban a la rexón más próxima".

 

Contador Estadistiques