Asturies va vivir una prórroga presupuestaria tres el refugu de la oposición a les cuentes de FAC

La falta d’un alcuerdu ente FAC y PP lleva a Asturies a vivir una prórroga presupuestaria, la quinta de la so historia. Los populares y el PSOE votaron en contra de les cuentes de Francisco Álvarez-Cascos, mentes qu’IX-LV astúvose.

Na sesión plenaria de güei debatiéronse les enmiendes a la totalidá de los proyeutos de Llei del Principáu d'Asturies de Presupuestos Xenerales pal 2012 y de Midíes Presupuestaries, Alministratives y Tributaries d'Acompañamientu a los Presupuestos Xenerales pal 2012. Los votos de FAC nun fueron abondo pa que'l proyectu superara esti trámite, puesto que namás cuenten con 16 diputaos de los 45 de los que consta la Cámara.  

La oposición aprobó una "enmienda a la totalidá popular" que, na práctica, significa la devolución del proyeutu al Gobiernu. Acaba asina la tramitación parllamentaria del presupuestu, polo qu’Asturies va prorrogar de manera automática les cuentes del añu pasáu, obra del PSOE xunto con IX-LV.