El xuez citó a declarar a otros dos cargos del Gobiernu d'Álvarez Areces como imputaos nel ‘Casu Marea’ de presunta corrupción na Alministración. Éstos son la ex conseyera Ana Rosa Migoya y l’ex direutor xeneral Carlos Madera.
El conceyu últimu celebráu por Compromisu por Asturies afitó la necesidá de constituyir “un referente políticu” que dea respuesta a la situación del país. La federación de partíos va entamar alcuentros con coleutivos y asociaciones.
El Conseyu de Gobiernu d’esti martes aprobó financiar con 2.746.889 euros el Programa Severo Ochoa d’ayudes pa la formación en docencia e investigación. Estes beques ayudarán a 160 persones a terminar les sos tesis doctorales.
Les persones interesaes en participar nel IV Amor pola Llingua yá pueden unviar les sos frases, eslóganes o microrellatos. Xunta Moza entama esti concursu lliterariu coincidiendo col Día Internacional de la Llingua Materna (21 de febreru).
El nuesu país zarró’l mes de xineru con 107.608 paraos tres una xuba del 3,68 por cientu nel númberu de desemplegaos nel mes de xineru. Esti datu ye’l más altu dende 1996, cuando principió la serie histórica actual.
La maestros d’asturianu presentaron nel Rexistru un escritu pa la conseyera nel que se demanda una solución pa la materia énte la LOMCE. Acompañóse de 2.100 cartes d’escolinos nes qu’éstos amosaben el so ciñu hacia la llingua asturiana.
La gala d’entrega de los Premios Lliterarios 2012 sirvió pa que los escritores ganadores pidieran diginidá pal idioma y la so lliteratura. La conseyera Ana González nun acudió al actu, como s’anunciara, alegando una reunión pola Llei Wert.
El poemariu ‘Ensin bones referencies’ ye’l primer llibru qu’espubliza Xosé I. Pidal Montes en llingua asturiana. Na tarde d’esti xueves va presentar esti trabayu na FNAC acompañáu de Silvia Cosio, de Suburbia Ediciones.
El pocu usu –sobre manera oral– de la toponimia oficial na RTPA lleva a la Xunta pola Defensa de la Llingua Asturiana (XDLA) a reclamar a Política Llingüística que tome midíes. El coleutivu unvió cartes a Ana Fueyo y al direutor del ente públicu.
Queden ocho díes pal aniciu de los festexos previos a la Cuaresma, esto ye, l’Antroxu, y los conceyos yá anuncien esta celebración. Sicasí, n’Uviéu usen el términu castellanu 'Carnaval', lo que lleva a Iniciativa a pidir l’usu del tradicional.
