Yá se conocen les cinco formaciones que van lluchar el 1 de marzu pol VII Premiu al Meyor Cantar nel Teatru de la Llaboral, que repite como sede de la gala. Éstes son ACD, Aire, Fala Non Caduca, La Tarrancha y Taranus.
Inaciu Galán, presidente d’Iniciativa pol Asturianu, desplazóse a Madrid pa llevar la situación del idioma al Congresu. Esti llunes entregó dos cartes nos ministerios de Fomentu y Educación, y el martes va entrevistase con diputaos asturianos.
La campaña nueva del Serviciu de Normalización Llingüística de Cangas del Narcea va tar enfocada al mundu agroganaderu. Va editar trés materiales pa repartir ente la población col oxetivu de caltener el pallabreru tradicional d’esti sector.
“Moriyón actuó más cómo la conseyera de mediu ambiente de la empresa que como la responsable municipal na materia”, afirma Compromisu por Xixón. La organización critica'l proceder de l’alcaldesa tres l'aumentu d’emisiones n’Arcelor-Mittal.
Asturies va vivir dende esta nueche cinco díes de folixa, mázcares y gastronomía. Llega l’Antroxu, festividá asturiana que nel pasáu entamaba col solsticiu d’iviernu y qu’agora resúmese a les xornaes previes al Miércoles de Ceniza.
El Bloque por Asturies apoya la decisión xudicial que va llevar a declarar como imputaos del 'Casu Marea' a Ana Rosa Migoya y a Carlos Madera. “Ye evidente que la gran proteutora de Marta Renedo ye Migoya”, afirma Manuel Benayas.
‘Arcides ya María, pandereteras de Trabáu (Degaña)’ ye’l títulu del discu últimu asoleyáu pol Muséu del Pueblu d’Asturies. Ésti recueye’l folclor de Degaña al traviés de 37 pieces interpretaes por estes dos hermanes pandereteres.
El grupu de teatru Padre Coll y la banda Duerna entamen esti martes ‘Antroxando’, un espectáculu humorísticu-músical pa toles edaes. Delles formaciones de la zona collaboren nesta obra nes que les rises y la bona música tán garantizaes.
Un 69 por cientu de los nuesos usuarios considera que’l Gobiernu nun tien intención nenguna de salvar la situación cola que s’atopa la materia d’asturianu cola entrada de la Llei Wert. Mentes, un 16 por cientu cree posible la declaración d’oficialidá.
La nube tóxica provocada pol prendíu del fornu altu B de la factoría de Xixón d’Arcelor-Mittal llevó a la Coordinadora Ecoloxista d’Asturies a denunciar un aumentu d’emisiones por parte de la empresa. La Fiscalía va investigar esta situación.
