Un 52 por cientu de los usuarios d’Asturies.com regaló discos y llibros n’asturianu nesta Navidá. Mentes, un 23 por cientu diz apostar por esti tipu de productos, anque refuguen el consumismu imperante nestes feches.
‘Ixuxú Asturies-Euskal Herria elkartea’ ye’l nome d’un proyeutu sociocultural que pretende mostrar la realidá asturiana n’Euskal Herria. Pa ello va promocionar la música del país y entamar eventos y actividaes sociales nel territoriu vascu.
Inaciu Galán y González va recibir n’agostu en Xixón mientres la FIDMA’l premiu añal na estaya de llingua asturiana qu’entrega’l Centro Asturiano de Madrid. Antonio Gamoneda, Jorge Suárez Carbajal y El Cencerru son dalgunos de los otros gallardonaos.
TermAst yá cuenta cola so novena propuesta, nesta ocasión nel ámbitu del Turismu. Inaciu Galán y González ye’l responsable d’esta terminoloxía compuesta por cerca de 900 entraes cola so correspondiente definición.
El proyeutu de construcción del Centru de Tresferencia de Residuos, Almacenamientu de Productos Químicos y Terminal de Ferrocarril de Mercancíes Peligroses n'El Musel nun va salir alantre. El Gobiernu niega’l permisu a la empresa solicitante.
Imanol Núñez, Fernando Valle Roso y Ensemble Ars Mundi protagonicen los trés primeros discos del añu de la discográfica EveryGoodSong. Trátense de trabayos d'estilos diferentes fechos n’Asturies na llingua del país.
La denuncia presentada pola Coordinadora Ecoloxista énte la Confederación Hidrográfica del Cantábricu pol valtu d’árboles en Tiroco llevó al organismu a abrir un espediente sancionador a Maderas Siero. El fechu tuvo llugar en setiembre.
Miguel Ángel Puente Cabrero resultó ganador del VI Concursu de Semeyes La Sidra que se falló’l mes pasáu. La so obra ‘Cartel’ foi la meyor pal xuráu d’ente les 593 semeyes presentaes polos 134 fotógrafos participantes.
El Premiu al Meyor Cantar, que tien como recompensa una plaza nel Liet International, yá tien abiertu’l plazu pa la presentación de candidatures. El 19 de xineru ye’l día caberu pa formalizar la participación na sétima edición del mesmu.
L’escritor avilesín Milio Mariño ta acabante d’espublizar con Suburbia Ediciones un llibru de rellatos que lleva’l nome de ‘El xaretón del embeligru’. En total son trece histories en llingua asturiana con muncha retranca y humor.
