El Seminariu de Filoloxía Asturiana algamó l’oxetivu de poner al día la so revista cola entrada del 2013. Yá ta disponible’l númberu 11-12 de la espublización tanto en papel como en formatu dixital al traviés de la plataforma Reunido.
La denuncia fecha pola XDLA sobre’l cambiu de cartelos na zona rural xixonesa con topónimos non oficiales lleva a Compromisu a reclamar “la restitución inmediata” de los nomes de llugar asturianos. Califica l'aición de “insultante”.
Noreña ye’l llugar escoyíu por Conceyu Abiertu pa celebrar esti sábadu la Coordinadora Nacional de la plataforma d’eleutores. Dende la formación nacionalista conviden a la ciudadanía a participar nella pa sumar opiniones.
Les "bones intenciones" d’Unipublic pa utilizar la toponimia oficial nel so pasu pel país nun foron suficientes. El sábadu presentóse en Vigo La Vuelta 2013, que celebra dos etapes n'Asturies nel que s'usen nomes de llugar castellanizaos.
El Conceyu de Xixón ta sustituyendo lletreros na zona rural que recueyen la toponimia oficial por otros colos nomes de llugar castellanizaos. La XDLA denuncia esta situación y critica con dureza la política llingüística del gobiernu municipal de Foro.
“En dos meses va definise la situación pa los 20 años próximos y con esti proyeutu de reforma educativa, l’asturianu desapaez”. Faustino Zapico, de SUATEA, alerta de l’ausencia d’espaciu pa la materia na LOMCE pola falta d’oficialidá.
Cymdeithas yr Iaith Gymraeg, organización que trabaya na defensa del galés, alerta de que l’idioma de Cymru “ta en crisis”. El censu del 2011 señala que los falantes d’esta llingua céltica cayeron perbaxo del 20 por cientu.
El músicu y artesanu lleonés Fran Allegre ye l’autor de ‘Sentir, y nun sentir sentire’, obra de teatru escrita na llingua común. Trátase d’una autoedición na que collaboró en delles cuestiones Faceira, asociación pola cultura de Lleón.
L’artista llangreanu Chema Rodríguez Álvarez ye’l creador de la muestra ‘Monumentos y edificios representativos d’Asturies’. La ermita d’El Carbayu y la ilesia de Sama son dalgunes de les reproducciones que se van poder ver en Ciañu.
