Una estantería doble instalada recién na Biblioteca Municipal d’El Natahoyo, en Xixón, acoyerá la coleición de llibros n’asturianu de la instalación. Compromisu por Xixón solicitara al Conceyu dar más visibilidá a estes obres.
La espublización nel BOE del llistáu de 88 proyeutos enerxéticos que’l Gobiernu considera imprescindibles foi celebrada pola Plataforma d’Asociaciones contra la Llinia d’Alta Tensión Costa Verde. Nengún d’ellos ye asturianu.
Dende’l pop infantil hasta la tonada, pasando pol rock o’l folk electrónicu. Diez bandes de dellos estilos aspiren a pasar el corte de cinco que-yos permita participar na gala del Premiu al Meyor Cantar y buscar billete pal Liet International de Còrsica.
El Conceyu Xeneral d’Andecha Astur celebráu’l sábadu en Xixón decidió por unanimidá la continuidá d’Arturu Xosé Bermeyu como secretariu xeneral. Tamién escoyó los miembros que componen la Xunta Executiva y la Xeneral.
César Movilla, alcalde socialista de Noreña, protagoniza un despreciu nuevu a la llingua asturiana. Niega tramitar dos pidimientos de documentación de Conceyu Abiertu por tar n’asturianu como escusa pa torgar l’accesu a la información.
Los datos del Encuesta de Población Activa que sitúa’l númberu de paraos n’Asturies en 114.000 lleva a Compromisu a criticar l’aición del “tripartitu”. Acúsalos de mirar más por cumplir los oxetivos marcaos por Madrid que polos paraos.
Nel campu La Cruz y na Llibrería Paradiso yá ta disponible pal públicu’l llibru que recueye los meyores rellatos del concursu lliterariu de temática futbolera del Ciares. Pablo Texón firma una de les trés histories ganadores: ‘Música antiguo’.
El músicu Xaime Arias ye autor de ‘Diamantina Rodríguez. Memoria de un tiempo de la canción asturiana’. Esta biografía d’una de les meyores voces de la tonada va presentase’l vienres, a les 20 hores, na Casa Cultura de Santuyano.
El Muséu del Pueblu d’Asturies presentó’l númberu 12 de la ‘Serie Etnográfica’. Trátase de ‘La misa de gaita. Hibridaciones sacroasturianas’, d’Ángel Medina Álvarez, un llibru-CD a partir d’un estudiu promovíu pola Fundación Valdés-Salas.
