“Intolerables y fondamente machistes”. Asina califica Compromisu por Asturies les declaraciones feches pol diputáu d’UPyD Toni Cantó en Twitter. L’actor afirmó que la mayoría de les denuncies por violencia de xéneru son falses.
El sábadu celebróse, con una participación alta, la Xunta Xeneral d’Iniciativa pol Asturianu. Nella aprobáronse les cuentes y el Plan d’Actividaes del 2013, nel que destaca una campaña destinada a implicar a empreses nel usu del idioma.
‘Métime la llingua hasta'l gargüelu / déxame sentir les tos palabres bien dientro de mi’ ye la frase ganadora del IV Concursu Lliterariu Amor pola Llingua, entamáu por Xunta Moza. L’autor de la mesma ye Moisés Cima Fernández.
Suburbia Ediciones edita la creación última d’Adolfo Camilo Díaz. Trátase de ‘Espankin’, obra cola que l’autor de Caborana torna a cultivar el xéneru de novela prieta. Esti vienres presenta esti trabayu na FNAC.
La falta d’oficialidá y el peligru de desaniciu que vive la materia d'asturianu cola Llei Wert lleven al idioma a vivir el Día Internacional de la Llingua Materna nuna situación delicada. Esti xueves celébrense delles actividaes venceyaes a la llingua.
La banda de mecigayu-ska La Tarrancha nun para. Tres asoleyar a últimos del añu pasáu el discu ‘Mezigayuska’ y de llevalu a direuto, ta anguaño trabayando nun álbum con cantares d’esi mesmu trabayu en llingües minoritaries.
Carlos Rubiera encabezó esti xueves l’actu qu’entama la Oficina Municipal de la Llingua nun colexu xixonés pol Día de la Llingua Materna. L’edil detalló a un grupu d’escolinos y escolines del San Lorenzo l’amor de Xovellanos pol asturianu.
Antonio Virgili contestó a la carta que-y unviara la Xunta pola Defensa de la Llingua Asturiana (XDLA) a últimos de xineru. El direutor xeneral de la RTPA comprométese a respetar la toponimia oficial na programación del ente públicu.
L’actuación d’Ana Rosa Migoya foi “exemplar” tres detectar les irregularidaes qu’investiga’l ‘Casu Marea’, n’opinión de Vicente Álvarez Areces. L’ex presidente del país afirmó que “nunca hubo voluntá de tapacer” la corrupción n’Alministración.
El númberu 29 de la revista ‘Lliteratura’, correspondiente al iviernu 2012-2013, yá ta na cai. La espublización de l’Academia de la Llingua Asturiana (ALLA) ufre una seleición de trabayos de 13 autores y una entrevista a Pablo Texón.
