José Luis Iglesias Riopedre y María Jesús Otero, en llibertá baxo fianza, declaráronse inocentes na primer xornada de la Comisión Parllamentaria pol ‘Casu Marea’. Dambos, al igual que Marta Renedo, nun respondieron nenguna entruga.
L’Auditoriu d’Uviéu va ser sede esti sábadu de la Xunta Xeneral añal d’Iniciativa pol Asturianu, muérganu más importante del coleutivu tres el Congresu. Pela nueche, l’asociación va celebrar una espicha en Gascona.
El conseyeru Graciano Torre aconceyó esti martes colos sindicatos pa tratar la situación na que queda la fábrica de Trubia col ERE previstu por General Dynamics. Reclama al Gobiernu estatal qu’encamiente a la empresa a retiralu.
Tres estudiar los datos del Cuarto Inventario Nacional qu’espubliza’l Ministeriu de Mediu Ambiente, la Coordinadora Ecoloxista d'Asturies detecta una mengua importante de la viesca autóctona. Por contra, medren los ocalitos y los pinos.
La desapaición de 500.000 tonelaes de carbón nel Almacén Estratéxicu Temporal d’HUNOSA lleva a Compromisu por Asturies a solicitar a la Fiscalía qu’actúe d’oficiu pa esclariar esti asuntu. Nun descarta presentar una denuncia.
El xueves presentóse en Xixón la obra ganadora del V Premiu d’Ensayu y Trabayos d’Investigación Fierro Botas. Ésta ta dedicada a la botella de sidra asturiana, “un referente na industrialización de Xixón”, afirmó Inaciu Hevia Llavona.
L’Asociación de Trabayadores de Normalización Llingüística (ATNL) comparte cola CSI y la XDLA la so esmolición pola convocatoria irregular d’una plaza de filólogu pa Política Llingüística. Recuerda que nun ye la primer vez qu’asocede.
El Conceyu de Samartín del Rei Aurelio incorporó la llingua asturiana a la rotulación informativa de la piscina municipal, asitiada en Sotrondio. En total son 30 cartelos nuevos nel que l’idioma del país convive col castellanu.
El presidente d’Iniciativa pol Asturianu, Inaciu Galán, aconceyó en Madrid con tolos partíos políticos con representación por Asturies. L’escritor y periodista destacó la “disposición bona” de toos ellos pa colos problemes del idioma.
La estaya d’Alministración Autonómica de la Corriente Sindical d’Izquierda (CSI) denuncia irregularidaes na convocatoria d’una plaza temporal de filólogu pa Política Llingüística. Pide a Educación, Cultura y Deporte que declare nulu’l procesu.
