La organización nacionalista Andecha Astur solicita al traviés d’una nota de prensa que los puertos de Xixón y Avilés dexen de ser propiedá del Estáu y pasen “a titularidá asturiana”. Dende Andecha acusen a les autoridaes españoles “de llevalos a la ruina col oxetu de beneficiar los intereses gallegos”.

L'asociación va entrevistase nos próximos díes con sindicatos y otros colectivos p'atropar apoyos a les movilizaciones de protesta contra "l'intentu d'eliminación de la llingua asturiana" y alerta pola "situación irregular y illegal na que s'atopen los docentes y l'asignatura d'asturianu". Tamién pide la creación de la especialidá d'asturianu y la non discriminación de los escolinos.

Según la Xunta pola Defensa de la Llingua Asturiana hai amenaces d'un "retrocesu de más de 10 años" na situación de la enseñanza de la llingua asturiana.

Esti xueves 19 de febreru va celebráse’l Día Internacional del Idioma Maternu entamáu pola Oficina Municipal de la Llingua del Conceyu de Xixón, y nel que collabora’l Colexu Públicu Rei Pelayo. L’actu va consistir na llectura d'un testu en distintes llingües, la presentación de la esposición del llibru "Les coses que-y presten a Fran" de Berta Piñán y el xuegu musical "Cómo nos canta la llingua".

El pasáu 11 de febreru’l gobiernu francés dio’l preste pa los nuevos diseños de les matrícules d’automóviles. La novedá ye que los modelos aprobaos son d’ámbitu “rexonal”, y van incluir l’escudu o’l símbolu de les rexones correspondientes. Amás nel casu corsu inclúi la bandera de la islla y nel bretón la bandera del país y la denominación billingüe francés-bretón (Bretagne/Breizh).

L'ex voceru del PP na Xunta Xeneral del Principáu d'Asturies (XXPA) y candidatu al XV Congresu asturianu del Partíu Popular, Juan Morales, acusó güei a l'actual direición del PP d'Asturies de "represalies" contra los miembros de la formación que lu apoyaron nel so día nel procesu.
 

El colectivu universitariu Fai! acusó al equipu rectoral de "falta de voluntá política" pa normalizar la llingua asturiana dientro de la institución académica. La organización criticó'l refugu, per parte de los averaos a Vicente Gotor, nel conceyu de la Comisión de Reforma de los Estatutos de la Universidá, de dos propuestes: una de Fai! pa que l'asturianu fuere llingua propia universitaria, y otra p'adautar la Llei de Promoción y Usu del asturianu a la institución.
 

Unidá Nacionalista Asturiana fixo público al traviés d’un comunicáu “la so petición de que los gobiernos dexen de financiar los beneficios de la banca y asuman deuda de pymes y autónomos pa inyectar asina recursos nel sistema productivu real”. Pa la UNA “nun ye xustificable apurrir dineru a los bancos ensin contraprestaciones y ver como'l gobiernu estatal s'amiya énte los sos intereses, mientres hai tantes empreses pequeñes rentables en peligru de zarrar”.

El conceyal de Cultura ribeseyanu, Juan A. González Martino, ta acabante de presentar les bases qu’han rexir la segunda edición del premiu Arbidel pa cuentos de temática erótica escritos dafechu n’asturianu. El plazu de presentación d’orixinales va tar abiertu hasta’l 15 d’abril.

El 17 de febreru de 2008 Kosovo, el territoriu balcánicu qu’hasta esa fecha taba baxo la soberanía formal anque non de facto de Serbia, declaraba unilateralmente la so independencia. Un añu depúes el país sigue baxo tutela internacional y reconocíu por 54 estaos en tol mundu como EE.UU, Francia o Alemaña, mientres  qu’España o Rusia niéguense a reconocer el nuevu status. Los kosovares viven anguaño una "independencia a medies".