La Tertulia Cultural “Pachín de Melás” entama un alderique col títulu de “Normalización de la Llingua Asturiana” nel que van participar Ramón d’Andrés, ex responsable de la Oficina de Política Llingüística, David Guardado, autor del llibru "Llingua estándar y Normalización Llingüística" (Araz Llibros) y Mónica Rodríguez Riesgo, responsable del Serviciu de Normalización L.lingüística de Cangas del Narcea.

L’Aconceyamientu de Xuristes pol Asturianu señala que “en rempuesta a la consulta fecha al Aconceyamientu por delles asociaciones pa la defensa del nuesu patrimoniu históricu sobre la llegalidá de les notificaciones que vienen faciendo los conceyos de Xixón y Piloña a propietarios d’horros centenarios, axuntando certificaciones individuales pal pagu del Impuestu sobre Bienes Inmuebles", conseña que los conceyos "tienen la obligación cívica de declarar la demisición d’oficiu”.

Dende Unidá Nacionalista Asturiana señalen qu'énte’l "reciente anunciu fechu pol Principáu d’Asturies de la creación de 750 nueves places nes escueles del primer ciclu d’Educación Infantil”, espresen el “so esmolecimientu porque vuelva a nun tenese en cuenta la realidá plurillingüe d’Asturies nel usu de la llingua vehicular d’estes escueles y poro, vuelva a afondase nel error de nun tener en cuenta a los escolinos y escolines pa los que la llingua asturiana ye la so llingua materna”.

Dos persones resultaron firíes, tres d'elles graves, al escarrillar un tren de FEVE a l'altura de Sotu Dueñes, nel conceyu asturianu de Parres, según informó la compañía nuna nota prensa. L'escarrilamientu del convoi se rexistró el llunes 23 a les 12.25 hores y la compañía ta investigando les causes.
 

L’Aconceyamientu de Xuristes pol Asturianu entregó’l so “Quintu Informe” al Conseyu d’Europa, "un trabayu técnicu nel que se razona y demuestra qu’acordies cola única interpretación posible del Instrumentu de Ratificación de la Carta Europea de les Llingües Rexonales o Minoritaries robláu por España, les sos autoridaes tan obligaes a xustificar énte’l Conseyu d’Europa les razones del incumplimientu de la parte III de la Carta no que cinca a la llingua asturiana”.

El cantante turonés Alfredo González recibió ayeri'l Premiu al Meyor Cantar pol tema "La nada y tu". El premiáu recibió'l galardón nuna gala que se celebró ayeri en Mieres, na qu'actuaron los 5 finalistes d'esti premiu entamáu pola Conseyería de Cultura. Alfredo González, como ganador del premiu al meyor cantar, va representar a Asturies nel festival de cantares en llingües minorizaes Liet Ynternasjonaal 2009.
 

Anque l’equipu asturianu ufrió una cara meyor na so visita a Villarreal que nel partíu anterior, volvió de vaciu. Al resultáu negativu hai qu’amesta-y los bonos resultaos de los sos perseguidores, lo qu’asitia al Sporting nel puestu decimucuartu con 27 puntos, a solo tres de los puestos de descensu.

La SGAE llamó a conceyu a les bandes de gaites. Na mañana del xueves día 19 aconceyáronse los directores de diez bandes de gaites d'Asturies col gaiteru José Ángel Hevia, conseyeru de la SGAE, y Javier Vidal, director de la mencionada entidá nel noroeste. L'oxetivu del alcuentru yera sensibilizar a los directores sobre los derechos d'autor, tanto en pieces orixinales como  n'arreglos sobre temes tradicionales.
 

L'Academia de la Llingua Asturiana consideró güei "gravísima" la situación de peligru de desapaición na que la última versión del 'Atles de les Llingües en peligru del mundu' de la Unesco, fechu públicu ayeri, asitia al asturianu, y exixe, como única solución la so oficialidá.
 

Esti domingu 22 de febreru a les 12:00 el Conceyu Abiertu pola Oficialidá va asitiar un puestu na Plaza del Ayuntamientu d'Uviéu pa que les persones que quieran sofitar esta campaña pueden retratase. Amás van proyectase los videos y semeyes de delles personalidaes que tamién apoyen esta campaña como Hevia, Victor Manuel, Corín Tellado, David Villa, Samuel Sánchez o Manuel Busto, ente otros.