La canal La 8 León, de l’autonómica privada CyLTV, estrena esti llunes ‘El llionés, una llengua viva’, un espaciu televisivu d’once episodios que naz p’averar a tolos lleoneses la llingua llariega. “Una de las cousas que dexa claro ye la unidá llingüística del idioma”, esplica Xairu López, presentador del primer capítulu.

Una muyer de 96 años finó na xornada. Ponga dexa de tar n'alerta naranxa, mentes que Samartín sigue una selmana más.

New old stocks, coles mesmes ‘N.O.S’, “que significa lliteralmente cousas vieyas nuevas”, ye’l nome del proyeutu que taben fermentando nel so interior Leticia González 'Baselgas' y Rubén Bada, L-R, dende hai años. La panderetera esplica nesti videu p’Asturies.com lo que ye’l conceptu post-folk, cómo nació y lo que significó na so manera d’entender la música tradicional.

La pandemia de COVID-19 marca tolos eventos que s’organicen nel país, tamién los Premios Princesa, que pasen del Campoamor al Reconquista pa evitar aforos grandes. Les reivindicaciones nun van faltar nesta edición de los gallardones, contestaos tamién por una yá viral campaña de l’Asamblea Moza d’Asturies (AMA).

El miércoles hebo que llamentar 3 muertes.

La xornada previa a la vuelta d'Asturies a una fase 2 modificada pa frenar l'espardimientu del coronavirus SARS-CoV-2 dexó 188 contaxos, 190 na serie oficial pola incorporación de dos positivos correspondientes al entamu de la selmana, polo que'l total de casos confirmaos por PCR queda en 7.501. De los diagnosticaos ayeri, 4 tuvieron que ser hospitalizaos.

Higiénico Papel Teatro representa esta obra qu'anima a la llectura. La entrada al uvieín Teatru Filarmónica ye de baldre, anque ye necesario acutar butaca de forma previa.

El IV Premiu y Festival Nel Amaro de Teatru Profesional en Llingua Asturiana o Gallego-asturiano llega a la tercer representación de la so fase de festival. Carlos Dávila va poner n'escena 'El viaxe de Covaletti', historia recomendada pa un públicu familiar que llevó al asturianu Xuan Costales y na que Laura Iglesias s'encarga de la direición y la dramaturxa.

“Asturies vuelve a la fase 2 en rellación al plan de desescalada; una fase 2, eso sí actualizada a la realidá epidemiolóxica del momentu presente”, principió la so intervención Adrián Barbón pa comunicar les midíes nueves pa contener l’espardimientu del coronavirus SARS-CoV-2. El presidente pidió a la ciudadanía autoconfinamientu nos 15 díes próximos, nos que van siguir les alertes naranxes.

Un estudiante d’Historia na Universidá d’Uviéu vio como Alministración negaba-y el derechu a facer el trabayu fin de grau en llingua asturiana. Los estatutos de la institución recueyen que “naide podrá ser discrimináu pol usu del asturianu”, recuerda Iniciativa pol Asturianu, qu'afirma qu'ésti nun ye un casu únicu.

La organización de la carrera toma la decisión de restrinxir el pasu a nueve altos, ente ellos la Farrapona y L'Angliru, pola situación sanitaria pola pandemia de COVID-19.

“Dende qu'empezó la llexislatura, la radiotelevisión pública dedicó cero euros del so presupuestu a la producción de conteníos nes llingües propies d'Asturies”, denuncia la Xunta pola Defensa de la Llingua Asturiana (XDLA). El coleutivu cívicu cifra nun cifra nun 0,85 por cientu’l porcentaxe d’emisión n’asturianu y gallego-asturiano que tendrá nel 2021 l’ente públicu de comunicación.