'El viaxe de Covaletti', tercer representación del IV Festival Nel Amaro

|
'El viaxe de Covaletti', d'Higiénico Papel

Higiénico Papel Teatro representa esta obra qu'anima a la llectura. La entrada al uvieín Teatru Filarmónica ye de baldre, anque ye necesario acutar butaca de forma previa.

El IV Premiu y Festival Nel Amaro de Teatru Profesional en Llingua Asturiana o Gallego-asturiano llega a la tercer representación de la so fase de festival. Carlos Dávila va poner n'escena 'El viaxe de Covaletti', historia recomendada pa un públicu familiar que llevó al asturianu Xuan Costales y na que Laura Iglesias s'encarga de la direición y la dramaturxa.

L'emplegáu d'una gasolinera en metá de nenguna parte, que nunca viaxó, nin conoció más llugares qu'ési, atopa na llectura entretenimientu y fuximientu. Ensin movese de la so siella, viaxa colos personaxes de los llibros a mundos desconocidos y exóticos, nesti casu a una islla perdida del mar Mediterraneu, onde vive Pippo Covaletti, el mozu protagonista d'una ruta per tierra, mar y aire llarada d'aventures y descubrimientos.

La entrada pa la función d'Higiénico Papel Teatro, programada pa mañana a les 20 hores, ye llibre, pero hai qu'acutar butaca de manera previa na web municipal d'Uviéu. Pa la representación pendiente, que correspuende a la cuarta finalista, 'El viaxe de Dorothy', de Fantastique Company, los tickets van tar a disposición del públicu'l llunes al meudía.

Na semeya, representación de 'El viaxe de Covaletti' l'añu pasáu na Feria del Libro de Xixón.

Contador Estadistiques