Mientres tanto, establez llendes al horariu comercial y hosteleru y decreta zarros perimetrales en Xixón, Uviéu y Avilés.

Adrián Barbón va comparecer esta tarde.

Tratábase d'una charra sobre'l conflictu de la EBHI, qu'anguaño ta pendiente del xuiciu pol despidu del trabayador Adrián Serrano.

Esti xueves echó a andar el Conseyu Asesor de Política Llingüística del Gobiernu, presidíu por Berta Piñán, que nun ocultó la so emoción pola constitución d’esti órganu. La Conseyera de Cultura, Política Llingüística y Turismu va tar al frente d’una comisión permanente de 5 miembros que va tener una función coordinadora.

Estos díes son munchos los asturianos que tán disfrutando y deprendiendo sobre Asturies y la so cultura gracies al xuegu ‘¿Cuála ye?’, el primeru p’adultos n’asturianu, con finalmente 900 entrugues. Acuto Xuegos yá principió col repartu a los mecenes y tien a la venta un centenar d’unidaes en dellos comercios a un preciu de 42 euros.

Va instalase un hospital de campaña nel esterior de Cabueñes esti vienres.

Los datos oficiales de la COVID-19 dexaron 269 casos nuevos ayeri, que na serie son 267 por dos duplicaos en díes previos, polo que'l total queda en 9.108. Ye la cifra más alta de tola pandemia, igualando la del sábadu.

Na xornada fixéronse 4.763 pruebes PCR, lo que dexa la tasa de positividá nel 5,6 por cientu. D'esta forma torna a superase la barrera del 5 por cientu depués de que'l martes fora del 4,13 por cientu.

El xuráu del XIII Premiu María Xosefa Canellada de lliteratura infantil y xuvenil, qu’aconceyó de manera telemática pola actual situación sanitaria pola pandemia de COVID-19, decidióse por ‘La curuxa Catuxa’ como obra merecedora del gallardón. Los xixoneses Vero Suari y Inaciu Galán escribieron esta historia a comuña.

Sofía Fernández Castañón, diputada de Xuníes Podemos, citó un cachu de la lletra del cantar de Nuberu, amás de los nomes d'Aida Lafuente, Anita Sirgo o Xosefa Xovellanos.

Fantastique Company debuta como finalista d'esti premiu con esta obra. La entrada al uvieín Teatru Filarmónica ye llibre, anque ye necesario acutar butaca previamente.

El IV Premiu y Festival Nel Amaro de Teatru Profesional en Llingua Asturiana o Gallego-asturiano vive mañana, a les 20 hores, la so sesión postrera. 'El viaxe de Dorothy' va poner el ramu a esti certame, pa dar llueu pasu al discutiniu del xuráu que va decidir el ganador del gallardón que cuenta con una recompensa de 6.000 euros.

La páxina oficial de ‘Lletres Asturianes’ y la plataforma REUNIDO de la Universidá d’Uviéu yá ufren pa la so consulta’l númberu 123 del Boletín de l’Academia de la Llingua Asturiana (ALLA), el segundu que s’asoleya namái en formatu dixital. Esti exemplar de la revista espubliza diez contribuciones bien varies y les estayes habituales.