Un total de 33,7 millones van destinase a rehabilitación enerxética d'edificios y 12,1 a ampliar el parque públicu d'alquiler.

“Asturies necesita unes cuentes propies, fuertes, progresistes, xustes y redistributives”, apuntó Sofía Fernández Castañón, coordinadora autonómica de Podemos, qu’ufre diálogu a la FSA pa negociar los Presupuestos del 2023 “si Barbón decide mirar a la izquierda”. Demanda “polítiques valientes en defensa de lo público”.

Iniciativa pol Asturianu organizó con ésitu'l primer Día de la Llingua Asturiana na FIDMA col oxetivu de "dar muncha más visibilidá al asturianu".

El sábadu 20 d’agostu del 2022 ye una fecha nueva histórica nel procesu de normalización del asturianu. La Feria Internacional de Muestres d’Asturies (FIDMA), l’eventu más multitudinariu del país, que nesta sesentena quinta edición superó’l so récor de visitantes con 741.014, celebró per primer vegada’l Día de la Llingua Asturiana.

Los trabayos desendolcaos pol grupu LLABOR d’investigación d’arqueoloxía agraria, de la Universidá d’Uviéu, nel xacimientu del Cuernu dexó un afayu esceicional. Atopóse “un túmulu megalíticu de tipoloxía desconocida n’Asturies y en tol noroccidente peninsular”, anunció la caderalga Margarita Fernández Mier.

Iniciativa pol Asturianu y la Cámara de Comerciu de Xixón entamen el sábadu esta xornada de reivindicación del idioma nel Recintu Ferial Luis Adaro y nel Muséu del Pueblu d'Asturies.

Nun primer momentu taba planiada pa 8 entregues que se completaríen el domingu.

El movimientu organizativu Aína sigue la so fueya de ruta. Llueu de presentase n’abril y organizar el so primer actu públicu en mayu, agora entama una campaña d’afiliación con ochobre como horizonte, mes nel que ta previsto celebrar el I Congresu Nacional de calter fundacional d’algamar un númberu necesariu de sofitos que valide’l proyeutu.

Esti sábadu, magar les acusaciones d’irregularidaes y les 50.000 firmes recoyíes en contra, van matase gües en Benia sacante sorpresa d’última hora. L’únicu eventu taurín que se celebra n’Asturies sigue alantre mientres Gobiernu y Conceyu d’Onís pásense la pelota sobre l’autorización del eventu que va tener llugar nuna plaza portátil.

La campaña entamada pola asociación Huellas del Sella pola corrida en plaza portátil del sábadu en Benia repite l'ésitu de la del añu pasáu pola programada Mestas de Con.