Efrén amplía la serie 'La sidra al traviés del tiempu' a 16 viñetes

Nun primer momentu taba planiada pa 8 entregues que se completaríen el domingu.

Estos meses de branu tamos disfrutando nesti diariu dixital cola orixinal serie 'La sidra al traviés del tiempu' d'Efrén d'Andrés, que finaría cola entrega siguiente. Sicasí, el bon recibimientu por parte los llectores d'Asturies.com llevó al dibuxante a modificar la idea orixinal va delles selmanes y ampliala de 8 a 16 viñetes

Por esti motivu esti domingu nun van finar les histories sobre la nuesa bébora nacional, qu’aspira a ser declarada Patrimoniu Cultural Inmaterial de la UNESCO englobando tola cultura alredor d’ella. Nes nueve selmanes próximes Efrén va presentanos viñetes nueves pa siguir arrancándonos una sonrisa.

Na semeya, viñeta 7 de la serie, última espublizada.