Esti llunes arranca en Mieres el primer de los cursos semipresenciales de baldre de formación non reglada p’adultos n’asturianu y gallego-asturiano. El proyeutu pilotu Falamos, que va llegar nun primer momentu a 13 conceyos, yá escosó places n’Uviéu, Carreño y precisamente, Mieres, onde se va poner un segundu dada la demanda.

La xornada más esperada del añu pa los más mozos yá ta equí. El sábadu viniente'l Muséu del Pueblu d’Asturies va acoyer el IX Día de la Reciella con actividaes d’años anteriores que repiten y novedaes, como un desfile de moda y una pinchada didáutica de música xamaicana, a los qu'hai que sumar un conciertu d’Alfredo González.

Esti sábadu va dase a conocer públicamente l’Asociación Grana, n’alcordanza de Yolanda Huergo. Promovida por un grupu de persones cercanu a la xixonesa, yá sía pol tratu personal o por militancia, va entamar unes xornaes na so memoria y instuyir un premiu a trabayos d’investigación n’asturianu de cualquier temática.

La villa acueye una edición nueva d'esta gran fiesta al rodiu la identidá asturiana.

Una novela p’adolescentes, ‘El cartafueyu d’Alquimia’, lleva’l XV Premiu María Josefa Canellada de lliteratura infantil y xuvenil. La so autora ye Blanca Fernández, que suma asina’l so segundu reconocimientu siguíu nos Premios Lliterarios depués de ganar l’añu pasáu’l I Premiu Enriqueta González Rubín de narrativa moza.

Esa mesma fin de selmana va entamase'l I Mercáu de los 'Alimentos del Paraíso'.

Nel actu tamién va falase sobre la paralización del proyeutu arqueolóxicu en La Pena Sobia.

Iniciativa pol Asturianu va poner per primer vez un puestu na Feria del Campu y les Industries Agrícoles, Ganaderes, Forestales y Pesqueres (AGROPEC) que se celebra esta fin de selmana nel xixonés Recintu Ferial Luis Adaro. Nél van tener espaciu cinco empreses agroalimentaries qu’usen l’asturianu na so actividá comercial.

El Senáu dio lluz verde por unanimidá a la reforma de la Llei Orgánica del Réxime Eleutoral Xeneral (LOREX) que desanicia’l votu rogáu impuestu nel 2011 pa la emigración. Nes eleiciones de mayu del añu qu'entra toles persones rexistraes nel censu de residentes ausentes van recibir d’oficiu la documentación necesaria.

Xosé Miguel Suárez Fernández aporta datos nuevos de les histores espublizaes y incorpora casos nuevos "pa evitar que se perda el recordo das víctimas da represión franquista".