Un blogue completa y amplía'l llibru 'Como augua de torbón'

|
Blogue 'Como augua de torbón' de Xosé Miguel Suárez Fernández

Xosé Miguel Suárez Fernández aporta datos nuevos de les histores espublizaes y incorpora casos nuevos "pa evitar que se perda el recordo das víctimas da represión franquista".

L'añu pasáu asoleyábase ‘Como augua de torbón. Guerra civil y represión franquista nel estremo noroccidental d'Asturias’ (Ediciones Trabe), llibru en gallego-asturiano que yá va pola segunda edición. La obra buscaba recuperar la memoria de les 800 víctimes documentaes na zona y inclúi, na segunda parte, infomación más detallada d'un centenar d'elles.

La gran repercusión que tuvo esti trabayu de documentación, sobre manera nel occidente, fixo que munches persones contautaran con Suárez Fernández "pra cuntarme máis cousas de casos dos que nun tía outra información qu’a puramente documental". Col blogue, entituláu tamién 'Como augua de torbón', l'autor de Mántaras quier "dar a conocer casos novos ou ampliar biografías de dalgúas víctimas das que miga ou pouco sabía hasta agora", siempre col enfotu de "evitar que se perda el recordo das víctimas da represión franquista" y siguir difundiendo les histories del llibru.

La última n'incorporase foi la de Francisco Bousoño Fernández 'Pacho del Peto', d'A Pilella, y el so fíu Jesús Bousoño Pacios 'Suso', gracies a la información sobre la familia aportada por un sobrín-nietu de Pacho. La páxina tamién inclúi información sobre'l llibru, una revista de prensa y un videu y semeyes de les diferentes presentaciones feches per Asturies.

 

Contador Estadistiques