Un xuegu de rol basáu na icónica novela ‘1984’ de George Orwell va asoleyase próximamente n’asturianu y castellanu, cola intención de contar con una versión tamién n'inglés. Ediciones Radagast, depués del ésitu algamú con ‘Depués d’ochobre’, apuesta agora por esti ‘survival sicolóxicu’ desendolcáu xunto colos herederos del escritor británicu.

El Conceyu de Xixón, cola collaboración de la Direición Xeneral de Política Llingüística y otres entidaes como l’Academia de la Llingua Asturiana (ALLA), entama estes selmanes ‘Ente Fueyes. Ochobre Lliterariu’. Siete actividaes van desendolcase estos díes na villa, la primera la celebración del Día de les Escritores nel Mercado Ecológico y Artesano d'esta fin de selmana na Plaza Mayor.

'Retablu rural, una mirada realista a l’aldea contemporánea' ye'l proyeutu que va trabayar a lo llargo d'un mes na Residencia Literaria 1863.

Llega ochobre y con él el meyor teatru nes llingües propies del país. El VI Premiu Nel Amaro de Teatru Profesional en Llingua Asturiana y Gallego-asturiano entra na so fase de festival cola representación de les cuatro obres finalistes d’esta edición, que se van representar los vienres del mes nel uvieín Teatru Filarmónica con entrada llibre.

Esti sábadu celebróse'l V Congresu Ordinariu de Foro, nel que Carmen Moriyón renovó’l cargu de presidenta y Adrián Pumares el de secretariu xeneral. La Comisión Direutiva nueva adoptó darréu la decisión de nomar al de Llaviana como candidatu a la Presidencia del páis.

La inicitiativa de Pueblu contó en Plenu col sofitu del PSOE y Ciudadanos, mentes que Foro y Partido Popular (PP) astuviéronse na votación.

Una cuestión como’l choque xeneracional, poco o nada tratada na lliteratura asturiana, apuerta agora de la mano de la obra ‘Freunde um Bernhard’, de la suiza Annemarie Schwarzenbach, trayida del alemán al asturianu por María García Díaz. “Tresllada la vida d’un grupu de mozos que sal de les pautes marcaes polos poderes”, apunta Rafael Rodríguez Valdés, direutor de la coleición ‘Calume’ de Trabe, sobre esti llibru que se presenta esti vienres na llibrería de la editorial asitiada n'Uviéu.

Esti sábadu ye’l IX Día de la Reciella, una xornada que nos años últimos vieno siempre acompañada con un cantar especial pa cada edición, ‘L’asturianu conéctate’ d’Alfredo González nésti. Canciones que van sonar nel Muséu del Pueblu d’Asturies y que xuntamos nesta información pa poder recordales, cantales y baillales en familia.

La torna de María Antonia Pedregal dende l'italianu de 'La parola fine. Diario di un suicidio' de Roberta Tatafiore foi reconocida como merecedora del II Premiu Florina Alías, al qu’entraben de manera automática les ocho traducciones espublizaes nel 2021. Ye’l tercer títulu qu’asoleyó Ediciones Trabe dientro la so coleición ‘Calume’.

El certame celta internacional completa'l cartelu con The Tannahill Weavers y Luar na Lubre.