Ésti ye'l temariu de los cursos del proyeutu pilotu Falamos

La preinscripción pal proyeutu de formación p’adultos nes llingües del país Falamos ta abierta
Falamos arranca con más de 400 preinscritos y places completes n’Uviéu, Carreño y Mieres, qu’abre un segundu cursu

31 Agostu, 2022 por Redacción

Inicie sesión o rexístrese pa espublizar comentarios

Les clases p'adultos pa deprender asturianu o gallego-asturiano van tocar ocho materies.

Los cursos de baldre que se van entamar per toa Asturies por mor del proyeutu pilotu Falamos d'enseñanza non reglada de les llingües d'Asturies, entamada pola Conseyería de Cultura, Política Llingüística y Turismu y la Federación Asturiana de Conceyos, van ser de calter básicu. Asina, les persones que lu superen van poder "desenvolvese de manera suficiente en situaciones cotidianes y habituales, tanto cara a cara como al traviés de medios téunicos y n'entornos cotidianos nos que se producen cenciellos intercambios de calter habitual" y "comprender, producir, coproducir y procesar testos orales y escritos breves que versen sobre asuntos personales y cotidianos, y que contengan estructures cencielles".

Pa ello estructúrense en 8 temes, que son los siguientes:

1) Identificación personal y familia: alfabetu, sustantivu y axetivu, vocalismu final, vocabulariu rellacionáu, saludos, despidíes y presentaciones, descripción de cualidaes físiques de les persones.

2) Casa, pueblu y ciudá (espacios y servicios): artículu y preposiciones, apostrofación, vocabulariu rellacionáu, descripción d'oxetos, viviendes y llugares.

3) Comerciu y alimentación: Demostrativos, numberales y indefiníos, vocabulariu rellacionáu, costumes y celebraciones, espresión de gustos y preferencies.

4) El cuerpu y les emociones: pronomes personales, posesivos antepuestos, acentuación, vocabulariu rellacionáu, diálogos, indicaciones y conseyos.

5) Trabayu y tiempu llibre: formes verbales básiques, vocabulariu rellacionáu, narración/descripción de vezos y acontecimientos.

6) L’espaciu natural/el clima: alverbios, llocuciones, pronomes y alverbios interrogativos, vocabulariu rellacionáu, pidimientu y ufierta d'información sobre'l tiempu, descripción y actividaes n’espacios naturales.