Otegi critica a los que se resisten a dexar la violencia

El que fuere voceru de Batasuna, Arnaldo Otegi, unvió, dende la prisión de Soto del Real (Madrid) na que cumple condena, una carta a otru presu de la cárcel de Zuera (Zaragoza), na que cuestiona l'actitú "zarrada" del sector alliniáu coles tesis más dures y defende les plantegaes na propuesta 'Fase politikoaren eta estrategiaren argipena' (esclaramientu de la fase política y la estratexa), debatida ente les bases de la izquierda abertzale y dempués refrendada na Declaración d'Alsasua.

Según la información publicada esti martes por 'Deia', recoyida por Europa Press, que cita fontes conocedores de la situación, na misiva, Otegi "redobla" la so apuesta polos principios de la Declaración d'Alsasua y espresa al otru presu que cualquier estratexa política al marxe de los principios d'esti documentu de la izquierda abertzale conlleva'l "enterramientu" del so futuru políticu.

La misiva dexa entrever "les dificultes" del representante de la izquierda abertzale pa entender les postres "de los sectores más ortodoxos que siguen apostando pola doble vía político-militar p'avanzar nos oxetivos del autodetermín y la llibertá d'Euskal Herria". Poro, entiende que, el que nun ta con Alsasua, "o nun ta nos sos cabales o trabaya pal enemigu".
  
Los comentarios d'Arnaldo Otegi realiza dalgunos comentarios espresaos que "muestren la importante resquiebra abierta" nesi mundu, "dientro y fuera de les cárceles", y permiten pensar que "ta alcontrándose con series torgues a los sos plantegamientos tamién nel denomáu frente de makos, nel que'l Colectivu de Presos Políticos Vascos (EPPK) tien un pesu importante".
  
Nesta llinia, apunta que se topó col "gloriosu colectivu", en referencia al citáu EPPK; y muestra'l so disgustu coles encartelaes y "coses d'eses", realizaes polos presos contrarios a les sos tesis.
  
La prisión de Zuera, onde s'alcuentra'l destinatariu del escritu d'Otegi, tornó, xunto cola de Villabona (Asturies) nel últimu añu nel llugar d'acoyida de presos críticos cola llinia oficial d'ETA y del Colectivu de Presos.
 
HISTÓRICOS
  
Pela prisión zaragozana pasaron, ente otros, históricos dirixentes d'ETA, como Carmen Gisasola, José Luis Urrusolo Sistiaga, José Luis Álvares Santacristina, 'Txelis', Kepa Pikabea, Francisco Mujika Garmendia, 'Pakito', Igor Martínez, Valentín Lasarte, Ignacio Arakama, 'Makario', o Santiago Arrospide. Amás, una ventena de presos ta nesti momentu na cárcel zaragozana.
  
A ambos espulsólos el colectivu de presos tres la publicación d'una carta na que mostraben les sos diferencies cola rotura del altu'l fueu de la organización armada nel últimu procesu de resolución, lo que dio al traste coles conversaciones de Loiola.
  
Los dos presos uníense d'esta manera a trés de los disidentes nel que yá viaxaben Txelis, Pikabea y Pakito, que, anque por motivaciones diferentes, yá dieren el pasu de criticar internamente'l caltenimientu de la estratexa armada y el recursu de la violencia y los atentaos.