El Frente Polisariu renuncia a l'autonomía anunciada por Mohamed VI

El Frente Polisariu vien de refugar la decisión del rei de Marruecos, Mohamed VI, quien el pasáu domingu anunció al traviés d’un discursu l’entamu de la rexonalización del Estáu, del que’l Saḥara Occidental diba ser un de los primeros beneficiaos, en pallabres del rei.

Pal Frente Polisariu, el trespasu de dellos poderes de Rabat a L’Ayún ye un “chantaxe” que-y pon escayos a la posible continuación de les conversaciones de paz, previstes pol unviáu especial de la ONU, Christopher Ross, pa finales d’esti mes tres que foren rotes en marzu de 2008. Pal Polisariu namás que tien valir el drechu d’autodetermín
 
Nel discursu de Mohamed VI falóse de que la rexonalización diba afeutar a toles rexones del reinu, afitando que’l Saḥara Occidental diba ser un de los primeros en recibir l’autogobiernu.
 
Marruecos dixebró'l territoriu saḥaraui en cuatro provincies: Boujdour (Bojador), Laâyoune (L'Ayún), Es-Smara (Smara) y Qued Eddahab (Ríu d’Oru). Tres de la reorganización nel 1997, el territoriu del Saḥara Occidental pertenez a tres rexones marroquines (Oued Ed-Dahab - Lagouira, Laâyoune - Boujdour - Sakia El Hamra y Guelmin - Es-Semara). Les dos últimes inclúin tamién territoriu marroquín