El paru subió nel 2009 n'Asturies en 12.223 persones, un 19%, llegando a los 75.837 desemplegaos

El númberu de paraos rexistraos nes oficines d'emplegu asturianes asitióse a últimos del 2009 nun total de 75.837, tres subir en 12.223 persones a lo llargo del pasáu añu, lo que supón un 19,21% más que nel 2008.

Trátase d'un porcentaxe llixeramente inferior al esperimentáu nel conxuntu nacional, que foi del 25,4%, hasta llegar al desemplegu al borde de los cuatro millones de paraos (3.923.603, la cifra más alta dende 1996). Ello débese a una subida nos últimos doce meses de 794.640 desemplegaos, según datos espardíos güei pol Ministeriu de Trabayu y Inmigración.

Sicasí, la subida del paru n'España 2009 foi inferior a la esperimentada nel 2008, añu nel que les llistes de les oficines públiques d'emplegu sumaron casi un millón de paraos más (999.416). la del 2009 foi, d'esta manera, la segunda mayor subida añal del desemplegu de tola serie comparable, qu'entama en 1996.
  
Polo que se refier al mes d'avientu del 2009, el paru subió n'España un 1,41%, al sumar 54.657 desemplegaos más, mientres que n'Asturies auemntó un 3,75%, con 2.740 nuevos paraos.
 
SECTORES
  
La mayoría de los paraos asturianos contabilizaos al zarru del 2009, concéntrense nel sector servicios, en concreto 47.095, siguíu de la construcción (12.537), la industria (8.898), el colectivu sin emplegu anterior (5.689) y l'agricultura, con 808 paraos.
 
Toos estos grupos aumentaron el númberu de paraos nel últimu mes del añu n'Asturies. El mayor incrementu correspondió a la construcción, con 1.131 nuevos desemplegaos, sector al que sigue servicios (968), la industria (536) y l'agricultura (62) y colectivu sin emplegu anterior (25).
 
SEXU Y EDÁ
  
La mayoría de los 75.837 paraos asturianos son muyeres, con un total de 39.512,. Mientres, los desemplegaos varones sumaron al final del añu 356.325. D'esta manera, el paru femenín ye superior al masculín, anque nel colectivu de menores de 25 años la tendencia ye inversa.
  
Asina, a 31 d'avientu del 2009 había n'Asturies 567.269 desemplegaos mayores de 25 años, 31.393 d'ellos homes y les 35.876 restantes muyeres. Pela so parte, nel colectivu de menores de 25 años, hai 4.932 paraos homes, y 3.63 muyeres desemplegaes.
 
ESTRANXEROS
  
A lo llargo del 2009 el númeru de paraos estranxeros incrementóse n'Asturies un 37,76%, al sumar 1.415 desemplegaos nuevos, lo qu'eleva la cifra total d'inmigrantes sin trabayu hasta los 5.171. D'ellos, 217, ye dicir, 4,38%, perdieron el so emplegu n'avientu. Amás, na so mayoría proceden de países estracomunitarios, en concreto 3.342, mientres que los 1.829 restantes son de la Unión Europea.
  
La mayoría d'ellos encuádrense nel sector servicios, 2.694, siguíu de la construcción (1.34), el colectivu si emplegu anterior (622), la industria (350) y l'agricultura (157).
  
Nel casu de la población estranxera, el repunte del desemplegu n'Asturies tamién foi asemeyáu al esperimentáu a nivel nacional, onde subió un 37,85%, al añadir 155.557 paraos a lo llargo del pasáu añu.
 
CONTRATACIÓN
  
Pese l'incrementu del paru, la contratación aumentó nel 2009 n'Asturies un 1,60%, con 314 nuevos contratos. N'España fízolo nun 1,79%, al rexistrase 19.988 firmes más.
  
Sicasí, nel mes d'avientu la contratación cayó n'Asturies hasta los 19.918 contratos (-3,57%, con 737 firmes menos), y tamién baxó en tol país (-5,52%, al rexistrase 66.462 firmes menos).
  
De los más de 19.918 contratos firmaos n'Asturies, la gran mayoría son temporales (18.045), mientres que los 1.873 restantes son indefiníos.
  
Estos últimos baxaron un 2,14% nel últimu añu (-41). Tamién baxaron n'avientu sobre'l mes anterior, en concreto un 9,25%,al rexistrase 191 contratos menos.
  
Pela so parte, los temporales subieron un 2,01% en tasa interañal, con 355 nueves contrataciones, pero baxaron un 2,94 en términos intermensuales al rexistrase 576 firmes menos.