El coleutivu Fala Ceibe d’El Bierzu quier el reconocimientu del gallegu na próxima reforma de la Llei Comarcal. L’asociación quier que se reconoza’l gallegu como propiu del Bierzu occidental y que’l Conseyu Comarcal fomente esti idioma y faiga usu d’él.

El voceru de l'Asamblea de Ciudadanos por la Izquierda (Asciz), Roberto Sánchez Ramos, presentó una moción a la comisión de Cultura pa la recuperación de la toponimia.

Miembros del Grupu Popular de la Xunta Xeneral y de Grandas de Salime, amosaron yá'l so sofitu pa que Pepe El Ferreiro contunúe na Direición del Museu Etnográficu de Grandas. Mientres, en Facebook convoquen una concentración d'apoyu. 

Más de 2.500 profesores de 70 centros concertaos tán llamaos a la fuelga convocada pal 27 de xineru y el 24 de febreru, énte los "continuos incumplimientos de los alcuerdos y l'actitú de despreciu de l'Alministración". La fuelga afectará a 34.000 alumnos.

Discoteca Estilo. Nun pudieron atopar meyor llugar Los Berrones pa presentar el so últimu discu, 'Ad libitum', un repertoriu de balaes más afayaíuzu pa una sesión romática de bailles por pareyes que pa un conciertu de 'agrorrock'.

La pista, los rayos de lluz verde y les boles d'espeyos fueron el compangu 'fashion' perfeutu pa un recital que nun pasará a la historia del conxuntu llavianés, nin como'l más animáu, nin como'l de meyor soníu.

Baltasar Garzón procesó esti llunes por un delitu de pertenencia a organización terrorista a Arnaldo Otegi, a l'ex secretariu xeneral de LAB, Rafael Díez Usabiaga, y a otros seis dirixentes abertzales por promover el proyeutu políticu de 'Bateragune" (Toos Xuntos).

La Xunta pola Defensa de la Llingua Asturiana entama'l miércoles un nuevu cursu de llingua de 60 hores. L'actividá entama'l miércoles 27 de xineru, nel local uvieín de la organización, el Llar Solidariu, na cai La Gascona.

El Racing algamó la victoria n'EL Molinón y llevó pa Santander la victoria y los tres puntos. Un gol de Geijo nel minutu 43 fixo que los xixoneses quedaran con un 0-1 na fin de la primer vueta.

Anguaño, el Sporting tien 24 puntos, asitiándose na décima posición y a 7 puntos de los puestos de descensu El sábadu que vien el combináu xixonés va recibir al F.C. Barcelona pa entamar cola segunda vuelta, duru va ser pal Sporting algamar una vistoria contra’l Barça de les seis copes.
 

El consorciu que xestiona’l Muséu Etnográficu de Grandas de Salime, presidíu pola Conseyera de Cultura, va aconceyase esti martes depués de dos años ensin facelu. L’únicu puntu del día ye’l “cese y nomamientu del direutor”, polo que se cuenta con que Pepe El Ferreiro, direutor y creador del reconocíu como un de los meyores museos etnográficos del Estáu, seya apartáu de la so direición.

Inaciu González pidió, tres visitar el territoriu mapuche, una reforma de la Constitución chilena pa reconocer los drechos históricos d’esti pueblu. Amás, amosó la so preocupación tres la victoria de Piñera nes eleiciones, “pol so apoyu a los terratenientes y les multinacionales”.