El nuevu direutor pieslla'l Muséu al públicu por “necesidaes organizatives”. Cuesta Toribia quier un plazu de dos selmanes pa facer un rexistru de los bienes.

La Coḷḷá Propinde, presenta güei na FNAC de Parque Principado, el que ye el so tercer trabayu discográficu, “A teyavana”. El conciertu entamará a les 20.00 hores.

Jesús Montes Estrada refirióse güei al tratu recibíu por un ciudadanu de Xixón tres qu’una funcionaria fixera risión d’él por usar l’asturianu. El Conceyal de Cultura y Llingua dixo que tres saber quien fora la responsable, abrióse-y un espediente disciplinariu.

El xerente de Coxersa dixo que la incineradora cuenta con  un plazu d'execución de seis años y afirmó que si se llogra facer nesi plazu "sería mui rápido". Amás, manifestó qu'a la mesma llegará'l 45% de los residuos.

Santiago Fernández ofreció güei una rueda prensa pa dar cuenta detallada del plan de futuru de Coxersa, qu'inclúi la construcción de la incineradora pero que "da mayor relevancia al reciclaxe", con cifres que se quieren incrementar d'equí al 2015 nun 128%.

Esti añu Asturies tampoco va tar representada n’Expolangues. Asturies.com púnxose en contautu con fontes de la Conseyería de Cultura qu’esclariaron qu’esti añu nun van participar nel salón internacional de les llingües “por motivos presupuestarios”.

La conseyera de Bienestar Social y Vivienda considera "una censura política" el cese y un "esperpentu" qu'a Pepe El Ferreiro nun se-y permita la entrada al centru. Del mesmu mou, UNA quier una disculpa pública de Mercedes Álvarez.

El primer ministru d'Italia, Silvio Berlusconi, afitó que con menos inmigrantes n'Italia habría menos criminales, según declaró demientres el llanzamientu d'un plan antimafia aprobáu esti xueves pol Gobiernu.

"Una disminución de los estracomunitarios n'Italia significa menos fuerces que van engrosar les files de les organizaciones criminales", aseguró'l premier tres defender la llucha del so Gobiernu contra la inmigración clandestina y na que los resultaos tán siendo "mui positivos".

La editorial Ámbitu anunció güei la salida a la venta pal próximu llunes, ún de febreru, del llibru nuevu de Xuan Bello, tituláu "Colección d'identidaes". El trabayu inclúi versiones n'asturianu de poemes de Carl Sandburg, Larkin, Tonino Guerra, Amos Oz o Anna Akmátova.

El primer ministru d'Israel, Benjamin Netanyahu, dixo esti miércoles, nun discursu pronunciáu nel campu de concentración y estermín d'Auschwith (Polonia) con motivu del Día Internacional de Recuerdu del Holocaustu, que'l pueblu israelín tien drechu a defendese, y criticó a Irán, ensin mencionalu, poles sos amenaces de "aniquilar a los xudíos".

La editorial estorgana Llibros Filandón acaba de publicar “Llogas carbayesas” de Juan Andrés Oria de Rueda, dientro de la colección La Ponte de Santa Catalina, dedicada a la poesía. Ye’l primer llibru de poesía del autor y tamién la primer obra n’asturianu publicada por un zamoranu. La editorial, ñacida en 2008 de la mano de Xosepe Vega, ta realizando una importante llabor pola lliteratura de nueso al sur del Cordal.