Garzón procesa a Otegi y a otros siete dirixentes abertzales

|

Baltasar Garzón procesó esti llunes por un delitu de pertenencia a organización terrorista a Arnaldo Otegi, a l'ex secretariu xeneral de LAB, Rafael Díez Usabiaga, y a otros seis dirixentes abertzales por promover el proyeutu políticu de 'Bateragune" (Toos Xuntos).

El maxistráu dexó fuera del procesamientu a Rufino Etxeberria, al considerar que nun existen nicios bastantes a la so escontra. El restu de los procesaos son Arkaitz Rodríguez, Miren Zabaleta, Sonia Jacinto, Amaia Esnal, José Luis Morenoa y José Manuel Serra. Toos ellos quedaron deteníos el pasáu 13 d'ochobre por orde de Garzón y cinco, ente ellos Otegi y Díez Usabiaga, ingresaron en prisión trés díes dempués tres declarar ante'l xuez.
  
El xuez destaca que los ocho pretendíen "crear un bloque pal desarrollu d'una estratexa soberanista" que diere forma a la "estratexa político-militar" d'ETA, creando un nuevu referente políticu institucional qu'asocediere a Batasuna y que diba constituyise pa la primavera del 2010. Según esplica l'autu, los nicios acumulaos na investigación apunten a que'l proyectu --"dirixíu por ETA dende lo primero hasta'l final" taba próximu a materializase cuando se produxo la intervención policial y xudicial n'ochobre.
  
Garzón acusa a los arrestaos de desarrollar "una estretexa de combinación de votos y bombes", que se ponía en marcha al dictáu de la "organización" y qu'incluyía la utilización de "parones na llucha armada".
  
Nel so autu concreta qu'una de les actividaes desarrollaes por Otegi yera "algamar tregües non declaraes pa Euskal Herria d'ETA, pa facilitar los contactos y aproximaciones con formaciones o axentes políticos y sociales soberanistes o independentistes que se muestren contrarios a la violencia y qu'exixan el so cese como requisitu pa continuar, si bien l'actividá violenta continúa nel restu d'España".

Contador Estadistiques