La Tertulia Pachín de Melás va falar sobre los primeros años d'introducción del asturianu como asignatura nel sistema educativu. Col títulu "Trenta años de Bable nes Escueles" afondarán nesti tema tanto dende'l puntu de vista vindicativu, como de la esperiencia de les primeres escueles pilotu.

Énte la próxima parada militar que s'entamará en Siero, Andecha Astur considera llamentable la promoción por parte del Conceyu de los valores “antidemocráticos , imperialistes, homófobos, sexistes y de sumisión que representa l´exércitu”.

La Tarrancha yá tien na cai Ö-3-3 (Otres tres), el primer discu de llarga duración de la banda. Autoproducíu pol grupu y el sellu Algamar Producciones, el discu foi grabáu en Tutú Estudiu por Sergio Rodriguez nel pasáu mes d’ochobre.

Un total de 27.101 titulaos opten güei a una de les 8.098 places de formación sanitaria especializada, ufiertaes pol sistema de residencia y convocaes pol Ministeriu de Sanidá y Política Social. N'Asturies, 1921 aspirantes opten a una plaza de MIR.

Les pruebes selectives celebraránse paralelamente mañana, día 23 de xineru, a les 16.00 hores en les 418 meses d'exame distribuyíes por 21 cuidaes de les 17 comunidaes autónomes.

El presidente de Venezuela encamentó al so homólogu estaunidense, Barack Obama, a pesllar les bases militares que ta acabante d'instalar en Colombia y a entamar un diálogu sobre esti tema colos gobiernos d'Américan Llatina, si ye que desea "facese merecedor" del Premiu Nobel de la Paz.

La comunidá bloguera n’asturianu tien una cita en Llangréu’l próximu 20 de febreru. Ellí va celebrase’l II Sidra&Blogues, con charres, presentación de proyeutos y la entrega del premiu al meyor blogue n’asturianu 2009.

Los Berrones presentarán güei'l so nuevu discu, 'Ad libitum', nun conciertu na Sala Stilo d'Uviéu, pal que preparen una actuación na qu'interpretarán los 14 cantares d'esti últimu trabayu, el so séptimu álbum d'estudiu.

El presidente del Conseyu de la Mocedá del Principáu d'Asturies denunció’l conxuntu de polítiques de mocedá del Principáu, que vienen a reflexar que “son les que menos-y preocupen a Areces nesti momentu de crisis”.

La Coordinadora Ecoloxista d'Asturies defendió güei que'l proyeutu d'un nuevu vertederu industrial en Cenero (Xixón) demuestra qu'hai alternatives a la incineradora.