Mapi Quintana, Dixebra, Spanta la Xente y Músicos pola Oficialidá son los finalistes a la meyor canción n’asturianu de la  XIV edición de los Premios de la Música qu'empobina l'Academia de les Artes y les Ciencies de la Música. Los ganadores de les estremaes categoríes, ventiocho en total, daránse a conocer en Madrid el 17 de marzu, nuna gala que TVE tien el vezu de tresmitir en direuto.

Les radios comunitaries, como ye’l casu de Radio Sele, van ver reconocíes per primer vez el so papel como serviciu al ciudadanu. Sicasí, la Llei del Audiovisual que reconoz esta faceta, tamién afita unes normes que ponen en peligru la so viabilidá económica.

IU-BA-Verdes alvirtió a la FSA que'l pautu nun "saldrá favorecíu" si l'Executivu instala la incineradora de Serín y esixó a Coxersa la ellaboración d'un plan de tratamientu de residuos como alternativa.

El presidente del Principáu dixo qu'hai razones fundaes pal cese de Pepe El Ferreiro, como direutor del Muséu Etnográficu de Grandas de Salime. Amás, aseguró que la decisión que sólo tien un oxetivu, "meyorar la xestión y los beneficios pa los ciudadanos en tol exe del Navia".

El parlamentariu del PNV na Cámara vasca Luke Uribe-Etxebarria relcamó güei que Radio Televisión Española (RTVE) ofreza emisiones en n'eusquera nel País Vascu cola fin de contribuyir a la "normalización" d'esta llingua.

Xuan Carlos Crespo Lanchas n'asturianu normativu, y Diego Rodríguez n'asturianu occidental, foron los ganadores del concursu de cuentos del Conceyu de Cangas del Narcea, del que'l xuráu dio güei'l resultáu del acta.

La Coordinadora Ecoloxista d’Asturies quier denunciar que la FSA ye l’únicu partíu qu’apuesta pola incineración, “fuxendo del alderique políticu y dando-y la potestá de decidir como xestionen los residuos a Coxersa”.

El Bloc Nacionalista Valencià, la escisión nacionalista d'EU Iniciativa del Poble Valencià, y un sector de los verdes, presenten una coalición cola que quieren abrir un tercer espaciu políticu nacionalista y d’esquierdes.

La Oficina de Coordinación Cultural y Llingüística del Parque Históricu del Navia ta acabantes d’espublizar “Conceyo de Cantares”, un CD con doce cantares n’eonaviegu que quier amosar la variedá territorial, llingüística y temática de los nuevos conceyos.

L’AA.VV. de Xivares “El Tranqueru”, quier denunciar que los esbarrumbes llevaos a cabu pola Autoridá Portuaria de Xixón (APX) n'Aboño tán fuera de la llegalidá. Poro, van denunciar a l’ATX y piden un castigu exemplar y la depuración de responsabilidaes.