La Procuradora Xeneral, Mª A. Fernández Felgueroso, namás recibió una quexa sobre l’asturianu en 2009; un ciudadanu de Llangréu que denunció l’incumplimientu de la toponimia.

El ciudadanu quexóse a la Procuradora denunciando'l incumplimientu del Decretu del Principáu d'Asturies 73/2005, del 7 de xunu, pol que se determinen los topónimos oficiales del Conceyu de Llangréu, “yá que les señales de carretera dependientes del Principáu namás s'especifiquen en castellán, escaeciendo les denominaciones de los topónimos establecíes nel citáu decretu”

La vocera socialista nel Senáu, Carmela Silva, anunció que'l so grupu va votar la próxima selmana a favor de tramitar la iniciativa pa xeneralizar l'usu de les llingües na Cámara.

Amelia Valcárcel señaló que si'l velu ye un símbolu relixosu nun tendría de tar nel espaciu públicu y añadió que si ye un símbolu cultural, traduzse en que les muyeres tienen de dar obediencia.

Con motivu de la celebración del Día del Llibru, l’Academia de la Llingua Asturiana va presentar una reedición del ‘Catecismu de Villaviciosa de 1916’ de Luis Sánchez García.

L’actu tendrá llugar el prósimu vienres, 23 d’abril, a les 19 hores, nel Teatru Riera de Villaviciosa, y nél intervendrán Lluis Portal (Asociación La Compaña del Ronchel), Roberto González-Quevedo (Secretariu de l’ALLA) y Manuel Busto (Alcalde de Villaviciosa).

Ente 300 y 500 carteros manifestáronse güei n'Uviéu esixendo midíes p'asegurar la viabilidá de Correos pola lliberalización del sector a partir del 2011.

 Batasuna reunióse'l pasáu 18 de marzu col PNV, a instancies de la formación de la esquierda abertzale y n'ella aseguró-y la so apuesta poles víes polítiques.

El PAS diz nun entender como IU pue tar nun executivu como’l d’Areces y denuncia que nun hai más que silenciu "ente los atropellos sobre los derechos de los funcionarios”.

El Partíu Asturianista vien siguiendo la “incoherente ya indigna presencia d'Izquierda Xunida-Bloque por Asturies nel Gobiernu d’Asturies y nun entendió nunca cómo ye posible convivir nun gobiernu nel que se ye cómpliz de la marxinación llingüística que sufren munchos asturianos, diciendo defender a éstos”.

Euronews presentó a la Generalitat un proyeutu pa que la so canal puea siguise en catalán, el representante n’España de la canal fala “d’un golpe de mano de Cataluña n’Europa”.

La cadena europea, formada por un consorciu de cadenes públiques, vio en payares pasáu cómo l'entós presidente de RTVE, Luis Fernández, terminaba cola participación del ente públicu español na cadena. L'aportación añal de RTVE a la canal de noticies europea yera de dos millones d'euros.

La coalición del presidente de Sri Lanka, Mahinda Rajapaksa, ganó por mayoría absoluta les primeres lexislatives dende'l final d'una guerra civil qu'esgarró'l país mientres 35 años.

El ministru d'Asuntos Esteriores alvirtió que cualquier intentu de "forzar" una solución de paz va derivar n'incidentes violentos y nun agravamientu del conflictu n'Oriente Próximu.