Mercedes Álvarez presentó ayeri nel Teatru de Llaboral Ciudá de la Cultura, el nuevu portal turísticu d'Asturies (www.infoasturias.com), onde la llingua del país ye inesistente.

La nueva versión ñaz, según esplicó la Conseyera de Cultura y Turismu del Principáu, “con una estética más moderna, una estructura más flexible y nueves seiciones pa dar respuesta a les necesidaes de los nuesos potenciales turistes”.

El voceru del Bloque por Asturies, Pablo Fernández, acusó güei al PP de cobarde ya hipócrita por presumir d'imponer los sos criterios nel alderique de la incineradora de Serín.

Fernández, en declaraciones a Europa Press, señaló que los populares considérense ganadores nel debate sobre la construcción de la planta en Serín y "depués nun son a votar a favor nos Conceyos cercanos a la zona".

ZALIA ufre la oportunidá a persones físiques y xurídiques d'adquirir 10 horros y paneras de la so propiedá al traviés d'un concursu al que puen presentase solicitúes hasta'l 28 de mayu.

Esta actuación de la Sociedá Zona d'Actividaes Loxístiques ya Industriales d'Asturies, realízase, según el Principáu, cola fin de caltener estes singulares pieces del patrimoniu etnográficu y al tar próximu l'entamu de les obres d'urbanización de la Fase ún.

La Direición Xeneral de Política Llingüística y la RTPA entamen un cursu online de formación en llingua asturiana dirixíu a los profesionales de la radiotelevisión pública asturiana.

El plazu de matrícula remata'l 26 d'abril y el cursu va desenvolvese ente'l 10 de mayu y el 21 de xunu, con una duración total de 60 hores y la collaboración del Institutu Asturianu d'Alministración Pública (IAAP) 'Adolfo Posada'.

El Comité Ciudadanu Antisida entama’l ciclu de conferencies Acción y Voluntariáu énte'l Sida (AVASI), un espaciu d'alcuentru sobre la situación de les persones afeutaes pol VIH/Sida.

La xornada va entamar el vienres 23 d'abril a les 17.30 hores cola entrega de documentación, la inauguración y presentación va ser media hora más tarde con ‘Penalización de la tresmisión del VIH’, na que van intervenir Marcelo Palacios, presidente del Comité Científicu de la SIBI y miembru del Comité de Bioética d'España.

Suatea esixe la convocatoria d'una mesa de negociación sobre la ufierta pública de places de Secundaria, “pues  hai munchos aspeutos que ye necesariu correxir y ameyorar”.

Ente les coses que quieren plantegar destaquen la so oposición a la ufierta, “por ser dafechu insuficiente daes les necesidaes reales de Asturies, onde tán rexistrándose un eleváu númberu de xubilaciones que nun se van a cubrir, y amás desdexándose la convocatoria de la mayoría d'especialidaes de secundaria, incluyida tola FP, yá que namás hai ufierta en cinco árees en total”.

Francisco González Buendía, indicó en referencia al proyeutu pal mini-AVE del Cantábricu que "ye bienveníu" y añadió que consideren más apropiao la modernización de Feve que l'AVE.

En declaraciones a los medios enantes d'entamar la Comisión d'Infraestructures, Medioambiente y Ordenación del Territoriu na Xunta Xeneral del Principáu d'Asturies destacó que'l Principáu siempre defendió que "nun quieren un AVE del Cantábricu de toes toes", y añadió que siempre apostaron pola modernización de Feve, que yá cuenta con una percorríu pela mariña.

El Xulgáu d’Instrucción númberu ún d’Avilés archivó la denuncia de ‘Memoria y República’ sobre la Güesa de Llaranes, al nun considerar el tema como penal, sinón alministrativu.

FAMYR nun comparte esta resolución, “la cual enmárcase nun clima xudicial bien adversu pa los xueces que quieran tener sensibilidá coles victimas del Franquismu, tres el procesamiento del Xuez Garzón, y dientro de les llendes d'una Llei de Memoria Histórica insuficiente, que nun estableció'l calter obligatoriu de la intervención xudicial pal llevantamientu y protección de les güeses”.

El parllamentariu d'Eusko Alkartasuna, Jesus Mari Larrazabal, anunció que van fixar la so postura sobre la unidá de fuerces soberanistes na Asamblea Nacional que van celebrar en mayu.

"Enantes del branu va haber un panorama con una ufierta clara a la ciudadanía pa que se vea que les coses son series, non sólo van per bon camín, sinón hacia un bon oxetivu" que, al marxe de los pasos entemedios qu'haya que dar, ye "claramente llograr una república vasca independiente", afitó.

La ONG Asturies por África entama un partíu de fútbol ente neños de Gambia, nel que los mozos ente 15 y 17 años van recrear un derbi ente los equipos del Sporting y l'Uviéu.