La XPDLLA y la so estaya de mocedá, Xunta Moza, presentaron güei'l XXII Conciertu pola Oficialidá, esixendo que, depués de ventidos años, seya la última convocatoria.

Xentiquina, La Curuxa, Toli Morilla, DRD, Skama la Rede, Los Berrones, Dixebra y Misiva, nesi orde, son los grupos que van xubise al escenariu de la Feria de Muestres de Xixón, nel Pabellón de les Naciones, esti sábadu 24 d’abril, a partir de les 19.00 hores. Va haber dos escenarios, colo que nun habrá espacios muertos ente grupu y grupu y cada formación tará nel escenario alredor d’una hora.

La viceconseyera de Mediu Ambiente, Belén Fernández, xustificó la construcción del banzáu de Caliao diciendo que se trata de "una bona oportunidá pa xenerar emplegu y actividá".

Esti domingo 25 celébrase en Noreña la segunda xornada del Campeonatu de Liriu, onde participarán los equipos Quirinal, Astur Liriu, Sidrones, Espor[a] y Camareta de Liriu.

Acabante la partida por equipos, escomenzará’l I Abiertu del Picadillu, valederu pal Campionatu d'Asturies de Liriu Individual onde podrán participar amás cualesquier persona d'entre el pblico asistente.

El Parlamentu vascu aprobó la declaración del 25 d'ochobre, fecha del aniversariu de l'aprobación del Estatu de Gernika, como Día del País Vascu, col apoyu de PSE, PP y UPyD.

El conseyeru de Salú y Servicios Sanitarios, Ramón Quirós, apuntó güei que n'Asturies "hai menos borracheres" que nel restu d'España "a pesar de tener la lexislación distinta".

El Gobiernu belga ta al borde d'una nueva crisis depués de que'l líder de los lliberales flamencos, Alexander de Croo, anunciara que'l so grupu abandona la coalición de Gobiernu.

La Fundación Municipal de Cultura de Xixón diz que los afayos de la Campa Torres foron alcontraos na primavera de 2009 y que namás alcontralos dieron conocencia de la so esistencia.

Énte les noticies apaecíes relatives al afayu d'un conxuntu de materiales y pieces arqueolóxiques alcontraes na Campa Torres, la Fundación Municipal de Cultura diz que  la so esistencia púnxose en conocencia del Muséu Arqueolóxicu d'Asturies y de la Conseyería de Cultura, d'alcuerdu a lo esixío na Llei del Principáu d'Asturies de Patrimoniu Cultural.

El Gobiernu francés va presentar un proyeutu de llei pa imponer una prohibición del 'burka', pese a que'l pasáu marzu'l Conseyu d'Estáu, l'órganu consultivu supremu, desaconseyó la midida.

La propuesta de les autoridaes cheques d'ufiertar clases de romaní, l'idioma de la minoría xitana, provocó una campaña en Facebook contraria a esti plan.

Más de 85.000 persones yá s’axuntaron a una de les páxines de la rede social en contra de la enseñanza de romaní nes escueles cheques, a pesar que la propuesta del Gobiernu checu yera de caracter voluntariu y col consentimientu de los padres.

El primer ministru israelín fixo llegar a la Casa Blanca'l so refugu al pidimientu que-y fixere Obama, de que se conxelare la construcción de nueves viviendes en Xerusalén Este.

Obama reunióse con Netanyahu'l pasáu 23 de marzu na Casa Blanca nun intentu por algamar la continuación de les conversaciones de paz ente israelinos y palestinos, y anque nun se reveló'l conteníu de debate esi día, sí se sabe qu'ún de los pidimientos estadounidenses foi que se conxelen los planes pa construyir en Xerusalén Este, según les fontes consultaes pol 'WSJ'.