Amelia Valcárcel refuga'l velu islámicu en público

Amelia Valcárcel señaló que si'l velu ye un símbolu relixosu nun tendría de tar nel espaciu públicu y añadió que si ye un símbolu cultural, traduzse en que les muyeres tienen de dar obediencia.

La catedrática de Filosofía Moral y Política na UNED y conseyera d'Estáu, dixo qu'esta sumisión a los homes va a la contra de lo que diz la Constitución "claramente" de qu'homes y muyeres son iguales.
  
Asina lo manifestó la catedrática y conseyera d'Estáusobre'l discutiniu del velu islámicu nos colexos antes de participar nes Xornaes d'Educación Afeutivo-Sexual celebraes en Llaboral Ciudá de la Cultura. Valcárcel indicó que pa la muyer ye mui difícil arreglase colos aspeutos afeutivos y apuntó que la novedá ye la llibertá sexual.
  
Nesti sen, señaló qu'eso esixe un manexu distintu de los afectos per parte de les moces, que lleva a la confusión de la mayor parte d'elles. Anque paeza contradictorio, la catedrática esplicó que la confusión vien "de la cosa más maravillosa que tenemos, que ye la llibertá". "Los afeutos son movimientos completos de les emociones, que s'aguanten a la razón", dixo. "Ye un problema que toles moces tienen", repostió.
  
No referente a la violencia de xéneru, apuntó que si les xeneraciones siguen unes a les otres igual que los árboles echen flor en primavera, fairíen falta toles del mundu porque les coses nun cambien asina, sinón namás, según ella, si decidimos qu'eso pase.
  
Na so opinión, lo que fai falta ye regular les idees coles que regulamos lo que facemos. Nesti sen, esplicó que les muyeres tienen un nuevu campu de llibertá y úsenla, pero cosa distinta ye que los homes tean d'acuerdu nello. "Paez qu'algunos non, hasta l'estremu final de la violencia estrema", afirmó.
  
Valcárcel alvirtió sobre que nun se debe pensar que les xeneraciones futures son meyores por venir detrás, puesto que, cuando se naz, nacemos toos igual, esto ye, "más o menos desnudos y con poques idees na cabeza", dixo.