Los independentistes tamiles queden con 14 escaños en Sri Lanka

|

La coalición del presidente de Sri Lanka, Mahinda Rajapaksa, ganó por mayoría absoluta les primeres lexislatives dende'l final d'una guerra civil qu'esgarró'l país mientres 35 años.

L'Alianza de los Pueblos Uníos pola Llibertá de Rajapaksa fízose con 144 escaños de los 225 con que cuenta'l parlamentu ceilandés, polo que quedó mui cerca, a namás seis asientos, de la mayoría de dos tercios que-y permitiría cambiar la Constitución del país.
  
Pela so parte, la principal formación opositora, el Partíu Nacional Uníu, llogró 60 escaños, mientres que la formación heredera de l'Alianza Nacional Tamil, el partíu de los antiguos rebeldes del norte de la isla, que tuvieron en guerra col Gobiernu central pa llograr la independencia ente 1976 y el 2009, añu en que se robló l'acuerdu de paz, llograron 14 asientos nel parlamentu.
  
La mayoría de los analistes políticos coinciden en que Rajapaksa va tratar de cortexar a otros partíos p'algamar la mayoría necesaria pa poder cambiar la Constitución de Sri Lanka.

Contador Estadistiques